chand ka KHwab ujalon ki nazar lagta hai
chāñd kā ḳhvāb ujāloñ kī nazar lagtā hai
tū jidhar ho ke guzar jaa.e ḳhabar lagtā hai
us kī yādoñ ne ugā rakkhe haiñ sūraj itne
shaam kā vaqt bhī aa.e to sahar lagtā hai
ek manzar pe Thaharne nahīñ detī fitrat
umr bhar aañkh kī qismat meñ safar lagtā hai
maiñ nazar bhar ke tire jism ko jab dekhtā huuñ
pahlī bārish meñ nahāyā sā shajar lagtā hai
be-sahārā thā bahut pyaar koī pūchhtā kyā
tū ne kāñdhe pe jagah dī hai to sar lagtā hai
terī qurbat ke ye lamhe use raas aa.eñ kyā
sub.h hone kā jise shaam se Dar lagtā hai
chand ka KHwab ujalon ki nazar lagta hai
tu jidhar ho ke guzar jae KHabar lagta hai
us ki yaadon ne uga rakkhe hain suraj itne
sham ka waqt bhi aae to sahar lagta hai
ek manzar pe Thaharne nahin deti fitrat
umr bhar aankh ki qismat mein safar lagta hai
main nazar bhar ke tere jism ko jab dekhta hun
pahli barish mein nahaya sa shajar lagta hai
be-sahaara tha bahut pyar koi puchhta kya
tu ne kandhe pe jagah di hai to sar lagta hai
teri qurbat ke ye lamhe use ras aaen kya
subh hone ka jise sham se Dar lagta hai
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
