chandni mein ruKH-e-zeba nahin dekha jata
chāñdnī meñ ruḳh-e-zebā nahīñ dekhā jaatā
maah o ḳhurshīd ko yakjā nahīñ dekhā jaatā
yuuñ to un āñkhoñ se kyā kyā nahīñ dekhā jaatā
haañ magar apnā hī jalva nahīñ dekhā jaatā
dīda-o-dil kī tabāhī mujhe manzūr magar
un kā utrā huā chehra nahīñ dekhā jaatā
zabt-e-ġham haañ vahī ashkoñ kā talātum ik baar
ab to sūkhā huā dariyā nahīñ dekhā jaatā
zindagī aa tujhe qātil ke havāle kar duuñ
mujh se ab ḳhūn-e-tamannā nahīñ dekhā jaatā
ab to jhūTī bhī tasallī ba-sar-o-chashm qubūl
dil kā rah rah ke taḌapnā nahīñ dekhā jaatā
chandni mein ruKH-e-zeba nahin dekha jata
mah o KHurshid ko yakja nahin dekha jata
yun to un aankhon se kya kya nahin dekha jata
han magar apna hi jalwa nahin dekha jata
dida-o-dil ki tabahi mujhe manzur magar
un ka utra hua chehra nahin dekha jata
zabt-e-gham han wahi ashkon ka talatum ek bar
ab to sukha hua dariya nahin dekha jata
zindagi aa tujhe qatil ke hawale kar dun
mujh se ab KHun-e-tamanna nahin dekha jata
ab to jhuTi bhi tasalli ba-sar-o-chashm qubul
dil ka rah rah ke taDapna nahin dekha jata
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
