dam-e-aKHir bhi humne zaban se kuchh na kaha

dam-e-aḳhīr bhī ham ne zabāñ se kuchh na kahā

jahāñ se uTh ga.e ahl-e-jahāñ se kuchh na kahā

chalī jo kashti-e-umr-e-ravāñ to chalne dī

rukī to kashti-e-umr-e-ravāñ se kuchh na kahā

ḳhatā-e-ishq kī itnī sazā hī kaafī thī

badal ke rah ga.e tevar zabāñ se kuchh na kahā

balā se ḳhaak huā jal ke āshiyāñ apnā

taḌap ke rah ga.e barq-e-tapāñ se kuchh na kahā

gila kiyā na kabhī un se bevafā.ī kā

zabāñ thī laakh dahan meñ zabāñ se kuchh na kahā

ḳhushī se ranj sahe 'nāz' umr bhar ham ne

ḳhudā-gavāh kabhī āsmāñ se kuchh na kahā

dam-e-aKHir bhi hum ne zaban se kuchh na kaha

jahan se uTh gae ahl-e-jahan se kuchh na kaha

chali jo kashti-e-umr-e-rawan to chalne di

ruki to kashti-e-umr-e-rawan se kuchh na kaha

KHata-e-ishq ki itni saza hi kafi thi

badal ke rah gae tewar zaban se kuchh na kaha

bala se KHak hua jal ke aashiyan apna

taDap ke rah gae barq-e-tapan se kuchh na kaha

gila kiya na kabhi un se bewafai ka

zaban thi lakh dahan mein zaban se kuchh na kaha

KHushi se ranj sahe 'naz' umr bhar hum ne

KHuda-gawah kabhi aasman se kuchh na kaha