faza ki phir aasman bhar thi

fazā ki phir āsmān bhar thī

ḳhushī safar kī uḌaan bhar thī

vo kyā badan bhar ḳhafā thā mujh se

ki aañkh bhī chup gumān bhar thī

ufuq ki phir ho gayā munavvar

lakīr sī ik ki dhyān bhar thī

vo mauj kyā TuuT kar girī hai

to kyā ye bas imtihān bhar thī

vo ik fasāna zabān bhar thā

ye ik samā.at ki kaan bhar thī

sabab ki ab tak vo pūchhtā hai

mirī udāsī ki aan bhar thī

khulā samundar ki chāñd bhar thā

havā ki shab bādbān bhar thī

hamīñ ne mismār kar dikhā.ī

vo ik rukāvaT chaTān bhar thī

shafaq banī āsmāñ meñ jā kar

jo ḳhuuñ kī buuñd ik nishān bhar thī

na lauT paayā vo jāntā thā

ki vāpsī darmiyān bhar thī

kisī ġhazal meñ na aa.ī 'bānī'

vo ik aziyyat ki jaan bhar thī

faza ki phir aasman bhar thi

KHushi safar ki uDan bhar thi

wo kya badan bhar KHafa tha mujh se

ki aankh bhi chup guman bhar thi

ufuq ki phir ho gaya munawwar

lakir si ek ki dhyan bhar thi

wo mauj kya TuT kar giri hai

to kya ye bas imtihan bhar thi

wo ek fasana zaban bhar tha

ye ek samaat ki kan bhar thi

sabab ki ab tak wo puchhta hai

meri udasi ki aan bhar thi

khula samundar ki chand bhar tha

hawa ki shab baadban bhar thi

hamin ne mismar kar dikhai

wo ek rukawaT chaTan bhar thi

shafaq bani aasman mein ja kar

jo KHun ki bund ek nishan bhar thi

na lauT paya wo jaanta tha

ki wapsi darmiyan bhar thi

kisi ghazal mein na aai 'bani'

wo ek aziyyat ki jaan bhar thi