faza mein karb ka ehsas gholti hui raat

fazā meñ karb kā ehsās gholtī huī raat

havas kī khiḌkiyāñ darvāze kholtī huī raat

'ajīb rishte banātī hai toḌ detī hai

na.ī rutoñ ke safīroñ se boltī huī raat

ye dhaḌkanoñ ke añdhere ye zaḳhm zaḳhm charāġh

kivāḌ ḳhālī makānoñ ke kholtī huī raat

athāh gahrā añdherā ġhazab kā sannāTā

fazā meñ dard kā tezāb gholtī huī raat

kidhar se aatī hai āvāra ḳhushbuoñ kī tarah

barahna jism ke saa.e TaToltī huī raat

na ratjagoñ ke haiñ charche na koī ġham kā alaav

sambhal ke aa.e zarā ghar meñ Doltī huī raat

kahāñ se lā.eñge sabr-o-sukūn ke lamhe

ki mere ghar meñ hai kohrām taultī huī raat

hamāre saath hai tanhā.iyoñ kī bhiiḌ meñ 'rind'

kisī ke lams kī ḳhairāt roltī huī raat

faza mein karb ka ehsas gholti hui raat

hawas ki khiDkiyan darwaze kholti hui raat

'ajib rishte banati hai toD deti hai

nai ruton ke safiron se bolti hui raat

ye dhaDkanon ke andhere ye zaKHm zaKHm charagh

kiwaD KHali makanon ke kholti hui raat

athah gahra andhera ghazab ka sannaTa

faza mein dard ka tezab gholti hui raat

kidhar se aati hai aawara KHushbuon ki tarah

barahna jism ke sae TaTolti hui raat

na ratjagon ke hain charche na koi gham ka alaw

sambhal ke aae zara ghar mein Dolti hui raat

kahan se laenge sabr-o-sukun ke lamhe

ki mere ghar mein hai kohram taulti hui raat

hamare sath hai tanhaiyon ki bhiD mein 'rind'

kisi ke lams ki KHairaat rolti hui raat