aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

firaq ek nai surat nikal to sakti hai

Firaq Gorakhpuri

firaq ek nai surat nikal to sakti hai

Firaq Gorakhpuri

MORE BYFiraq Gorakhpuri

    'firāq' ik na.ī sūrat nikal to saktī hai

    ba-qaul us aañkh ke duniyā badal to saktī hai

    tire ḳhayāl ko kuchh chup lag ga.ī varna

    kahāniyoñ se shab-e-ġham bahal to saktī hai

    urūs-e-dahr chale khā ke Thokareñ lekin

    qadam qadam pe javānī ubal to saktī hai

    palaT paḌe na kahīñ us nigāh jaadū

    ki Duub kar ye chhurī kuchh uchhal to saktī hai

    bujhe hue nahīñ itne bujhe hue dil bhī

    fasurdagī meñ tabī.at machal to saktī hai

    agar chāhe to ġham vaale shādmāñ ho jaa.eñ

    nigāh-e-yār ye hasrat nikal to saktī hai

    ab itnī band nahīñ ġham-kadoñ bhī rāheñ

    havā-e-kūcha-e-mahbūb chal to saktī hai

    kaḌe haiñ kos bahut manzil-e-mohabbat ke

    mile na chhāñv magar dhuup Dhal to saktī hai

    hayāt lau tah-e-dāmān-e-marg de uTThī

    havā raah meñ ye sham.a jal to saktī hai

    kuchh aur maslahat-e-jazb-e-ishq hai varna

    kisī se chhuT ke tabī.at sambhal to saktī hai

    azal se soī hai taqdīr-e-ishq maut niiñd

    agar jagā.iye karvaT badal to saktī hai

    ġham-e-zamāna-o-soz-e-nihāñ aañch to de

    agar na TuuTe ye zanjīr gal to saktī hai

    sharīk-e-sharm-o-hayā kuchh hai bad-gumānī-e-husn

    nazar uThā ye jhijak nikal to saktī hai

    kabhī vo mil na sakegī maiñ ye nahīñ kahtā

    vo aañkh aañkh meñ paḌ kar badal to saktī hai

    badaltā jaa.e ġham-e-rozgār markaz

    ye chaal gardish-e-ayyām chal to saktī hai

    vo be-niyāz sahī dil matā-e-hech sahī

    magar kisī javānī machal to saktī hai

    tirī nigāh sahārā na de to baat hai aur

    ki girte girte bhī duniyā sambhal to saktī hai

    ye zor-o-shor salāmat tirī javānī bhī

    ba-qaul ishq ke sāñche meñ Dhal to saktī hai

    sunā hai barf ke TukḌe haiñ dil hasīnoñ ke

    kuchh aañch ke ye chāñdī pighal to saktī hai

    hañsī hañsī meñ lahū thūkte haiñ dil vaale

    ye sar-zamīn magar la.al ugal to saktī hai

    jo ne tark-e-mohabbat ko ahl-e-dil se kahā

    hazār narm ho ye baat khal to saktī hai

    are vo maut ho zindagī mohabbat par

    na kuchh sahī kaf-e-afsos mal to saktī hai

    haiñ jis ke bal pe khaḌe sarkashoñ ko vo dhartī

    agar kuchal nahīñ saktī nigal to saktī hai

    huī hai garm lahu ke ishq talvār

    yuuñ jilā.e ye shāḳh phal to saktī hai

    guzar rahī hai dabe paañv ishq devī

    subuk-ravī se jahāñ ko masal to saktī hai

    hayāt se nigah-e-vāpsīñ hai kuchh mānūs

    mire ḳhayāl se āñkhoñ meñ pal to saktī hai

    na bhūlnā ye hai tāḳhīr husn tāḳhīr

    'firāq' aa.ī huī maut Tal to saktī hai

    'firaq' ek nai surat nikal to sakti hai

    ba-qaul us aankh ke duniya badal to sakti hai

    tere KHayal ko kuchh chup si lag gai warna

    kahaniyon se shab-e-gham bahal to sakti hai

    urus-e-dahr chale kha ke Thokaren lekin

    qadam qadam pe jawani ubal to sakti hai

    palaT paDe na kahin us nigah ka jadu

    ki Dub kar ye chhuri kuchh uchhal to sakti hai

    bujhe hue nahin itne bujhe hue dil bhi

    fasurdagi mein tabiat machal to sakti hai

    agar tu chahe to gham wale shadman ho jaen

    nigah-e-yar ye hasrat nikal to sakti hai

    ab itni band nahin gham-kadon ki bhi rahen

    hawa-e-kucha-e-mahbub chal to sakti hai

    kaDe hain kos bahut manzil-e-mohabbat ke

    mile na chhanw magar dhup Dhal to sakti hai

    hayat lau tah-e-daman-e-marg de uTThi

    hawa ki rah mein ye shama jal to sakti hai

    kuchh aur maslahat-e-jazb-e-ishq hai warna

    kisi se chhuT ke tabiat sambhal to sakti hai

    azal se soi hai taqdir-e-ishq maut ki nind

    agar jagaiye karwaT badal to sakti hai

    gham-e-zamana-o-soz-e-nihan ki aanch to de

    agar na TuTe ye zanjir gal to sakti hai

    sharik-e-sharm-o-haya kuchh hai bad-gumani-e-husn

    nazar uTha ye jhijak si nikal to sakti hai

    kabhi wo mil na sakegi main ye nahin kahta

    wo aankh aankh mein paD kar badal to sakti hai

    badalta jae gham-e-rozgar ka markaz

    ye chaal gardish-e-ayyam chal to sakti hai

    wo be-niyaz sahi dil mata-e-hech sahi

    magar kisi ki jawani machal to sakti hai

    teri nigah sahaara na de to baat hai aur

    ki girte girte bhi duniya sambhal to sakti hai

    ye zor-o-shor salamat teri jawani bhi

    ba-qaul ishq ke sanche mein Dhal to sakti hai

    suna hai barf ke TukDe hain dil hasinon ke

    kuchh aanch pa ke ye chandi pighal to sakti hai

    hansi hansi mein lahu thukte hain dil wale

    ye sar-zamin magar lal ugal to sakti hai

    jo tu ne tark-e-mohabbat ko ahl-e-dil se kaha

    hazar narm ho ye baat khal to sakti hai

    are wo maut ho ya zindagi mohabbat par

    na kuchh sahi kaf-e-afsos mal to sakti hai

    hain jis ke bal pe khaDe sarkashon ko wo dharti

    agar kuchal nahin sakti nigal to sakti hai

    hui hai garm lahu pi ke ishq ki talwar

    yun hi jilae ja ye shaKH phal to sakti hai

    guzar rahi hai dabe panw ishq ki dewi

    subuk-rawi se jahan ko masal to sakti hai

    hayat se nigah-e-wapsin hai kuchh manus

    mere KHayal se aankhon mein pal to sakti hai

    na bhulna ye hai taKHir husn ki taKHir

    'firaq' aai hui maut Tal to sakti hai

    RECITATIONS

    Nomaan Shauque

    Nomaan Shauque,

    Nomaan Shauque

    firaq ek nai surat nikal to sakti hai Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now