aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum jo mast-e-sharab hote hain

Ameer Minai

hum jo mast-e-sharab hote hain

Ameer Minai

MORE BYAmeer Minai

    ham jo mast-e-sharāb hote haiñ

    zarre se āftāb hote haiñ

    hai ḳharābāt sohbat-e-vā.iz

    log nāhaq ḳharāb hote haiñ

    kyā kaheñ kaise roz o shab ham se

    amal-e-nā-savāb hote haiñ

    bādshah haiñ gadā, gadā sultān

    kuchh na.e inqalāb hote haiñ

    ham jo karte haiñ mai-kade meñ duā

    ahl-e-masjid ko ḳhvāb hote haiñ

    vahī rah jaate haiñ zabānoñ par

    sher jo intiḳhāb hote haiñ

    kahte haiñ mast rind-e-saudā.ī

    ḳhuub ham ko ḳhitāb hote haiñ

    āñsuoñ se 'amīr' haiñ rusvā

    aise laḌke azaab hote haiñ

    hum jo mast-e-sharab hote hain

    zarre se aaftab hote hain

    hai KHarabaat sohbat-e-waiz

    log nahaq KHarab hote hain

    kya kahen kaise roz o shab hum se

    amal-e-na-sawab hote hain

    baadshah hain gada, gada sultan

    kuchh nae inqalab hote hain

    hum jo karte hain mai-kade mein dua

    ahl-e-masjid ko KHwab hote hain

    wahi rah jate hain zabanon par

    sher jo intiKHab hote hain

    kahte hain mast rind-e-saudai

    KHub hum ko KHitab hote hain

    aansuon se 'amir' hain ruswa

    aise laDke azab hote hain

    Source:

    Deewan-e-Ameer (Pg. 209)

    • Author: Ameer Minai
      • Publisher: Munshi Nawal Kishor, Lucknow
      • Year of Publication: 1922

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now