aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum maut bhi aae to masrur nahin hote

Fani Badayuni

hum maut bhi aae to masrur nahin hote

Fani Badayuni

MORE BYFani Badayuni

    ham maut bhī aa.e to masrūr nahīñ hote

    majbūr-e-ġham itne bhī majbūr nahīñ hote

    dil meñ nahīñ rahte āñkhoñ meñ bhī rahte ho

    tum duur bhī rahte ho to duur nahīñ hote

    paḌtī haiñ abhī dil par sharmā.ī huī nazreñ

    jo vaar vo karte haiñ bharpūr nahīñ hote

    ummīd ke vādoñ se kuchh to bahaltā thā

    ab ye bhī tire ġham ko manzūr nahīñ hote

    arbāb-e-mohabbat par tum zulm ke baanī ho

    ye varna mohabbat ke dastūr nahīñ hote

    kaunain pe bhārī hai allāh re ġhurūr un

    itne bhī adā vaale maġhrūr nahīñ hote

    hai ishq tirā 'fānī' tash.hīr bhī shohrat bhī

    rusvā-e-mohabbat yuuñ mash.hūr nahīñ hote

    hum maut bhi aae to masrur nahin hote

    majbur-e-gham itne bhi majbur nahin hote

    dil hi mein nahin rahte aankhon mein bhi rahte ho

    tum dur bhi rahte ho to dur nahin hote

    paDti hain abhi dil par sharmai hui nazren

    jo war wo karte hain bharpur nahin hote

    ummid ke wadon se ji kuchh to bahalta tha

    ab ye bhi tere gham ko manzur nahin hote

    arbab-e-mohabbat par tum zulm ke bani ho

    ye warna mohabbat ke dastur nahin hote

    kaunain pe bhaari hai allah re ghurur un ka

    itne bhi ada wale maghrur nahin hote

    hai ishq tera 'fani' tashhir bhi shohrat bhi

    ruswa-e-mohabbat yun mashhur nahin hote

    RECITATIONS

    Nomaan Shauque

    Nomaan Shauque,

    Nomaan Shauque

    hum maut bhi aae to masrur nahin hote Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now