aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

husn-e-azal ka jalwa hamari nazar mein hai

Dattatriya Kaifi

husn-e-azal ka jalwa hamari nazar mein hai

Dattatriya Kaifi

MORE BYDattatriya Kaifi

    husn-e-azal jalva hamārī nazar meñ hai

    jo tuur par huā thā dil-e-dīda-var meñ hai

    dair o haram meñ kis liye āvāra-gardiyāñ

    jis tujhe talāsh hai vo dil ke ghar meñ hai

    jo dekhne aañkh hai tujh ko nahīñ milī

    vo nuur qad meñ varna shajar meñ hajar meñ hai

    ḳhāmoshiyoñ meñ mahfil-e-anjum us ko dekh

    hañgāma-mast kyuuñ numūd-e-sahar meñ hai

    dekhā hai aur phir nahīñ aayā nazar tujhe

    vo husn vo jalāl jo shams o qamar meñ hai

    us ko natīje illat-e-ġhā.ī is ko dhun

    farq is qadar be-ḳhabar o bā-ḳhabar meñ hai

    DhūñDā hai jis ne us ne paayā sunā nahīñ

    likkhā huā ye hukm qazā-o-qadar meñ hai

    haañ haañ ḳhudā ḳhudā hai aur hai bashar bashar

    is uqde jo hal hai vo qalb-e-bashar meñ hai

    vo bhī to haiñ nazāra-e-kul juz meñ hai jinheñ

    poshīda rāz-e-dīd to husn-e-nazar meñ hai

    hai ishq juzv-e-lā-yatajazzā yaqīn jaan

    ye qīmat-e-majāz-o-haqīqat ḳhatar meñ hai

    kyā shauq-e-dīd tujh pe to ġhālib hai lutf-e-dīd

    jo baat tere dil meñ hai apnī nazar meñ hai

    nikle na phañs ke gesu-e-pur-pech-o-ḳham se dil

    sāhil pe ḳhaak pahuñche jo kashtī bhañvar meñ hai

    ulfat hai kis kaisī mohabbat kahāñ ishq

    ma.adūm to fikr-e-dahān-o-kamar meñ hai

    nāqis thī ibtidā to hai anjām-e-ishq bhī

    be-rabtī mubtadā meñ jo thī vo ḳhabar meñ hai

    'kaifī' masīh-e-sher haiñ ahbāb aur bhī

    ik tujh se jān-e-tāza nahīñ is Dhachar meñ hai

    husn-e-azal ka jalwa hamari nazar mein hai

    jo tur par hua tha dil-e-dida-war mein hai

    dair o haram mein kis liye aawara-gardiyan

    jis ki tujhe talash hai wo dil ke ghar mein hai

    jo dekhne ki aankh hai tujh ko nahin mili

    wo nur qad mein warna shajar mein hajar mein hai

    KHamoshiyon mein mahfil-e-anjum ki us ko dekh

    hangama-mast kyun tu numud-e-sahar mein hai

    dekha hai aur phir nahin aaya nazar tujhe

    wo husn wo jalal jo shams o qamar mein hai

    us ko natije illat-e-ghai ki is ko dhun

    farq is qadar hi be-KHabar o ba-KHabar mein hai

    DhunDa hai jis ne us ne hi paya suna nahin

    likkha hua ye hukm qaza-o-qadar mein hai

    han han KHuda KHuda hi hai aur hai bashar bashar

    is uqde ka jo hal hai wo qalb-e-bashar mein hai

    wo bhi to hain nazara-e-kul juz mein hai jinhen

    poshida raaz-e-did to husn-e-nazar mein hai

    hai ishq juzw-e-la-yatajazza yaqin jaan

    ye qimat-e-majaz-o-haqiqat KHatar mein hai

    kya shauq-e-did tujh pe to ghaalib hai lutf-e-did

    jo baat tere dil mein hai apni nazar mein hai

    nikle na phans ke gesu-e-pur-pech-o-KHam se dil

    sahil pe KHak pahunche jo kashti bhanwar mein hai

    ulfat hai kis ki kaisi mohabbat kahan ka ishq

    madum tu to fikr-e-dahan-o-kamar mein hai

    naqis thi ibtida to hai anjam-e-ishq bhi

    be-rabti mubtada mein jo thi wo KHabar mein hai

    'kaifi' masih-e-sher hain ahbab aur bhi

    ek tujh se jaan-e-taza nahin is Dhachar mein hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now