aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jo ho sakta hai us se wo kisi se ho nahin sakta

Dagh Dehlvi

jo ho sakta hai us se wo kisi se ho nahin sakta

Dagh Dehlvi

MORE BYDagh Dehlvi

    jo ho saktā hai us se vo kisī se ho nahīñ saktā

    magar dekho to phir kuchh aadmī se ho nahīñ saktā

    mohabbat meñ kare kyā kuchh kisī se ho nahīñ saktā

    mirā marnā bhī to merī ḳhushī se ho nahīñ saktā

    alag karnā raqīboñ ilāhī tujh ko āsāñ hai

    mujhe mushkil ki merī bekasī se ho nahīñ saktā

    kiyā hai vāda-e-fardā unhoñ ne dekhiye kyā ho

    yahāñ sabr o tahammul aaj se ho nahīñ saktā

    ye mushtāq-e-shahādat kis jagah jaa.eñ kise DhūñDeñ

    ki terā kaam qātil jab tujhī se ho nahīñ saktā

    lagā kar teġh qissa paak kiije dād-ḳhvāhoñ

    kisī faisla gar munsifī se ho nahīñ saktā

    mirā dushman ba-zāhir chaar din ko dost hai terā

    kisī ho rahe ye har kisī se ho nahīñ saktā

    dam-e-pursish kahoge kyā vahāñ jab yaañ ye sūrat hai

    adā ik harf-e-vāda nāzukī se ho nahīñ saktā

    na kahiye go ki hāl-e-dil magar rañg-āshnā haiñ ham

    ye zāhir aap kyā ḳhāmushī se ho nahīñ saktā

    kiyā jo ham ne zālim kyā karegā ġhair muñh kyā hai

    kare to sabr aisā aadmī se ho nahīñ saktā

    chaman meñ naaz bulbul ne kiyā jo apnī naale par

    chaTak kar ġhuncha bolā kyā kisī se ho nahīñ saktā

    nahīñ gar tujh pe qaabū dil par kuchh zor ho apnā

    karūñ kyā ye bhī to nā-tāqatī se ho nahīñ saktā

    na ronā hai tarīqe na hañsnā hai salīqe

    pareshānī meñ koī kaam se ho nahīñ saktā

    huā huuñ is qadar mahjūb arz-e-mudda.ā kar ke

    ki ab to uzr bhī sharmindagī se ho nahīñ saktā

    ġhazab meñ jaan hai kyā kiije badla rañj-e-furqat

    badī se kar nahīñ sakte ḳhushī se ho nahīñ saktā

    mazā jo iztirāb-e-shauq se āshiq ko hai hāsil

    vo taslīm o razā o bandagī se ho nahīñ saktā

    ḳhudā jab dost hai ai 'dāġh' kyā dushman se andesha

    hamārā kuchh kisī dushmanī se ho nahīñ saktā

    jo ho sakta hai us se wo kisi se ho nahin sakta

    magar dekho to phir kuchh aadmi se ho nahin sakta

    mohabbat mein kare kya kuchh kisi se ho nahin sakta

    mera marna bhi to meri KHushi se ho nahin sakta

    alag karna raqibon ka ilahi tujh ko aasan hai

    mujhe mushkil ki meri bekasi se ho nahin sakta

    kiya hai wada-e-farda unhon ne dekhiye kya ho

    yahan sabr o tahammul aaj hi se ho nahin sakta

    ye mushtaq-e-shahadat kis jagah jaen kise DhunDen

    ki tera kaam qatil jab tujhi se ho nahin sakta

    laga kar tegh qissa pak kije dad-KHwahon ka

    kisi ka faisla gar munsifi se ho nahin sakta

    mera dushman ba-zahir chaar din ko dost hai tera

    kisi ka ho rahe ye har kisi se ho nahin sakta

    dam-e-pursish kahoge kya wahan jab yan ye surat hai

    ada ek harf-e-wada nazuki se ho nahin sakta

    na kahiye go ki haal-e-dil magar rang-ashna hain hum

    ye zahir aap ki kya KHamushi se ho nahin sakta

    kiya jo hum ne zalim kya karega ghair munh kya hai

    kare to sabr aisa aadmi se ho nahin sakta

    chaman mein naz bulbul ne kiya jo apni nale par

    chaTak kar ghuncha bola kya kisi se ho nahin sakta

    nahin gar tujh pe qabu dil hi par kuchh zor ho apna

    karun kya ye bhi to na-taqati se ho nahin sakta

    na rona hai tariqe ka na hansna hai saliqe ka

    pareshani mein koi kaam ji se ho nahin sakta

    hua hun is qadar mahjub arz-e-muddaa kar ke

    ki ab to uzr bhi sharmindagi se ho nahin sakta

    ghazab mein jaan hai kya kije badla ranj-e-furqat ka

    badi se kar nahin sakte KHushi se ho nahin sakta

    maza jo iztirab-e-shauq se aashiq ko hai hasil

    wo taslim o raza o bandagi se ho nahin sakta

    KHuda jab dost hai ai 'dagh' kya dushman se andesha

    hamara kuchh kisi ki dushmani se ho nahin sakta

    Source:

    Gulzar-e-Dagh (Pg. 18)

    • Author: Dagh Dehlvi
      • Publisher: Mohammad Tegh Bahadur
      • Year of Publication: 1879

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now