KHatm kiya saba ne raqs gul pe nisar ho chuki

ḳhatm kiyā sabā ne raqs gul pe nisār ho chukī

josh-e-nashāt ho chukā saut-e-hazār ho chukī

rañg-e-banafsha miT gayā sumbul-e-tar nahīñ rahā

sehn-e-chaman meñ zīnat-e-naqsh-o-nigār ho chukī

masti-e-lāla ab kahāñ us kā pyāla ab kahāñ

daur-e-tarab guzar gayā āmad-e-yār ho chukī

rut vo jo thī badal ga.ī aa.ī bas aur nikal ga.ī

thī jo havā meñ nik.hat-e-mushk-e-tatār ho chukī

ab tak usī ravish pe hai 'akbar'-e-mast-o-be-ḳhabar

kah de koī azīz-e-man fasl-e-bahār ho chukī

KHatm kiya saba ne raqs gul pe nisar ho chuki

josh-e-nashat ho chuka saut-e-hazar ho chuki

rang-e-banafsha miT gaya sumbul-e-tar nahin raha

sehn-e-chaman mein zinat-e-naqsh-o-nigar ho chuki

masti-e-lala ab kahan us ka pyala ab kahan

daur-e-tarab guzar gaya aamad-e-yar ho chuki

rut wo jo thi badal gai aai bas aur nikal gai

thi jo hawa mein nikhat-e-mushk-e-tatar ho chuki

ab tak usi rawish pe hai 'akbar'-e-mast-o-be-KHabar

kah de koi aziz-e-man fasl-e-bahaar ho chuki