aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kya tarz-e-kalam ho gai hai

Dagh Dehlvi

kya tarz-e-kalam ho gai hai

Dagh Dehlvi

MORE BYDagh Dehlvi

    kyā tarz-e-kalām ho ga.ī hai

    har baat payām ho ga.ī hai

    kuchh zahr na thī sharāb-e-añgūr

    kyā chiiz harām ho ga.ī hai

    aage to nahīñ nahīñ sunī thī

    ab takiya-kalām ho ga.ī hai

    jaate jaate payām-bar ko

    har sub.h se shaam ho ga.ī hai

    ab dekhiye mashq-e-pā.emālī

    tārīf-e-ḳhirām ho ga.ī hai

    pahuñche haiñ jab us bazm meñ ham

    majlis tamām ho ga.ī hai

    aalam ko hai dāva-e-mohabbat

    ye ḳhaas bhī aam ho ga.ī hai

    us but ke hamīñ nahīñ haiñ bande

    maḳhlūq ġhulām ho ga.ī hai

    barbād na hogī terī ulfat

    tajvīz maqām ho ga.ī hai

    jāgīr junūñ qais ke ba.ad

    ab 'dāġh' ke naam ho ga.ī hai

    kya tarz-e-kalam ho gai hai

    har baat payam ho gai hai

    kuchh zahr na thi sharab-e-angur

    kya chiz haram ho gai hai

    aage to nahin nahin suni thi

    ab takiya-kalam ho gai hai

    jate jate payam-bar ko

    har subh se sham ho gai hai

    ab dekhiye mashq-e-paemali

    tarif-e-KHiram ho gai hai

    pahunche hain jab us ki bazm mein hum

    majlis hi tamam ho gai hai

    aalam ko hai dawa-e-mohabbat

    ye KHas bhi aam ho gai hai

    us but ke hamin nahin hain bande

    maKHluq ghulam ho gai hai

    barbaad na hogi teri ulfat

    tajwiz maqam ho gai hai

    jagir junun ki qais ke baad

    ab 'dagh' ke nam ho gai hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now