lutf hi lutf hai jo kuchh hai inayat ke siwa
lutf hī lutf hai jo kuchh hai ināyat ke sivā
hai mohabbat se sivā jo hai mohabbat ke sivā
dostoñ ke karam-e-ḳhās se bachne ke liye
koī gosha na milā gosha-e-uzlat ke sivā
mujh se shikva bhī jo karte haiñ to ye kahte haiñ
kuchh bhī aatā hī nahīñ tujh ko shikāyat ke sivā
aap ke ḳhat ko maiñ kis baat kā ġhammāz kahūñ
is meñ sab kuchh hai bas ik harf-e-mohabbat ke sivā
jis qadar chāho gunāhoñ pe hañso ḳhuub hañso
ye ilaaj aur bhī hai ashk-e-nidāmat ke sivā
vo jo kahte haiñ ki hai fahm o firāsat ham se
aise logoñ meñ sabhī kuchh hai firāsat ke sivā
is na.ī baat ko bhī 'arsh' kabhī sochā hai
aaj kal sher meñ jiddat hai to jiddat ke sivā
lutf hi lutf hai jo kuchh hai inayat ke siwa
hai mohabbat se siwa jo hai mohabbat ke siwa
doston ke karam-e-KHas se bachne ke liye
koi gosha na mila gosha-e-uzlat ke siwa
mujh se shikwa bhi jo karte hain to ye kahte hain
kuchh bhi aata hi nahin tujh ko shikayat ke siwa
aap ke KHat ko main kis baat ka ghammaz kahun
is mein sab kuchh hai bas ek harf-e-mohabbat ke siwa
jis qadar chaho gunahon pe hanso KHub hanso
ye ilaj aur bhi hai ashk-e-nidamat ke siwa
wo jo kahte hain ki hai fahm o firasat hum se
aise logon mein sabhi kuchh hai firasat ke siwa
is nai baat ko bhi 'arsh' kabhi socha hai
aaj kal sher mein jiddat hai to jiddat ke siwa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
