main KHud ko is liye manzar pe lane wala nahin
maiñ ḳhud ko is liye manzar pe laane vaalā nahīñ
ki aa.ina mirī sūrat dikhāne vaalā nahīñ
tire falak kā agar chāñd bujh gayā hai to kyā
diyā zamīñ pe bhī koī jalāne vaalā nahīñ
samundaroñ kī taraf jā rahā huuñ jaltā huā
ki merī aag ko bādal bujhāne vaalā nahīñ
ye kaun niind meñ aakar sirhāne baiTh gayā
maiñ apnā ḳhvāb kisī ko batāne vaalā nahīñ
ab is qadar bhī takalluf se mil rahe ho kyuuñ
tumhāre saath to rishta zamāne vaalā nahīñ
kamar kamān huī jā rahī yuuñ 'gauhar'
maiñ jaise ḳhud ko dobāra uThāne vaalā nahīñ
main KHud ko is liye manzar pe lane wala nahin
ki aaina meri surat dikhane wala nahin
tere falak ka agar chand bujh gaya hai to kya
diya zamin pe bhi koi jalane wala nahin
samundaron ki taraf ja raha hun jalta hua
ki meri aag ko baadal bujhane wala nahin
ye kaun nind mein aakar sirhane baiTh gaya
main apna KHwab kisi ko batane wala nahin
ab is qadar bhi takalluf se mil rahe ho kyun
tumhaare sath to rishta zamane wala nahin
kamar kaman hui ja rahi yun 'gauhar'
main jaise KHud ko dobara uThane wala nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
