nind aai na khula raat ka bistar mujhse
niiñd aa.ī na khulā raat kā bistar mujh se
guftugū kartā rahā chāñd barābar mujh se
apnā saaya use ḳhairāt meñ de aayā huuñ
dhuup ke Dar se jo lipTā rahā din bhar mujh se
kaun sī aisī kamī mere ḳhad-o-ḳhāl meñ hai
aa.ina ḳhush nahīñ hotā kabhī mil kar mujh se
kyā musībat hai ki har din kī mashaqqat ke evaz
bāñdh jaatā hai koī raat kā patthar mujh se
dasht kī samt nikal aayā hai merā dariyā
bas isī par haiñ ḳhafā saare samundar mujh se
apne hāthoñ ko jo kashkol banāyā 'gauhar'
gir paḌā jaane kahāñ merā muqaddar mujh se
nind aai na khula raat ka bistar mujh se
guftugu karta raha chand barabar mujh se
apna saya use KHairaat mein de aaya hun
dhup ke Dar se jo lipTa raha din bhar mujh se
kaun si aisi kami mere KHad-o-KHal mein hai
aaina KHush nahin hota kabhi mil kar mujh se
kya musibat hai ki har din ki mashaqqat ke ewaz
bandh jata hai koi raat ka patthar mujh se
dasht ki samt nikal aaya hai mera dariya
bas isi par hain KHafa sare samundar mujh se
apne hathon ko jo kashkol banaya 'gauhar'
gir paDa jaane kahan mera muqaddar mujh se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
