aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

peD ke patton mein halchal hai KHabar-dar se hain

Gulzar

peD ke patton mein halchal hai KHabar-dar se hain

Gulzar

MORE BYGulzar

    peḌ ke pattoñ meñ halchal hai ḳhabar-dār se haiñ

    shaam se tez havā chalne ke āsār se haiñ

    nāḳhudā dekh rahā hai ki maiñ girdāb meñ huuñ

    aur jo pul pe khaḌe log haiñ aḳhbār se haiñ

    chaḌhte sailāb meñ sāhil ne to muñh Dhāñp liyā

    log paanī kafan lene ko tayyār se haiñ

    kal tavārīḳh meñ dafnā.e ga.e the jo log

    un ke saa.e abhī darvāzoñ pe bedār se haiñ

    vaqt ke tiir to siine pe sambhāle ham ne

    aur jo niil paḌe haiñ tirī guftār se haiñ

    ruuh se chhīle hue jism jahāñ bikte haiñ

    ham ko bhī bech de ham bhī usī bāzār se haiñ

    jab se vo ahl-e-siyāsat meñ hue haiñ shāmil

    kuchh adū ke haiñ to kuchh mere taraf-dār se haiñ

    peD ke patton mein halchal hai KHabar-dar se hain

    sham se tez hawa chalne ke aasar se hain

    naKHuda dekh raha hai ki main girdab mein hun

    aur jo pul pe khaDe log hain aKHbar se hain

    chaDhte sailab mein sahil ne to munh Dhanp liya

    log pani ka kafan lene ko tayyar se hain

    kal tawariKH mein dafnae gae the jo log

    un ke sae abhi darwazon pe bedar se hain

    waqt ke tir to sine pe sambhaale hum ne

    aur jo nil paDe hain teri guftar se hain

    ruh se chhile hue jism jahan bikte hain

    hum ko bhi bech de hum bhi usi bazar se hain

    jab se wo ahl-e-siyasat mein hue hain shamil

    kuchh adu ke hain to kuchh mere taraf-dar se hain

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now