aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sitam ho jae tamhid-e-karam aisa bhi hota hai

Hasrat Mohani

sitam ho jae tamhid-e-karam aisa bhi hota hai

Hasrat Mohani

MORE BYHasrat Mohani

    sitam ho jaa.e tamhīd-e-karam aisā bhī hotā hai

    mohabbat meñ batā ai zabt-e-ġham aisā bhī hotā hai

    bhulā detī haiñ sab ranj o alam hairāniyāñ merī

    tirī tamkīn-e-behad qasam aisā bhī hotā hai

    jafā-e-yār ke shikve na kar ai rañj-e-nākāmī

    ummīd o yaas donoñ hoñ baham aisā bhī hotā hai

    mire pās-e-vafā bad-gumānī hai ba-jā tum se

    kahīñ be-vaj.h iz.hār-e-karam aisā bhī hotā hai

    tirī dildāriyoñ se sūrat-e-begānagī niklī

    ḳhushī aisī bhī hotī hai alam aisā bhī hotā hai

    vaqār-e-sabr khoyā girya-hā-e-be-qarārī ne

    kahīñ ai e'tibār-e-chashm-e-nam aisā bhī hotā hai

    ba-dāvā-e-vafā kyuuñ shikva-sanj-e-jaur hai 'hasrat'

    dayār-e-shauq meñ ai mahv-e-ġham aisā bhī hotā hai

    sitam ho jae tamhid-e-karam aisa bhi hota hai

    mohabbat mein bata ai zabt-e-gham aisa bhi hota hai

    bhula deti hain sab ranj o alam hairaniyan meri

    teri tamkin-e-behad ki qasam aisa bhi hota hai

    jafa-e-yar ke shikwe na kar ai ranj-e-nakaami

    ummid o yas donon hon baham aisa bhi hota hai

    mere pas-e-wafa ki bad-gumani hai ba-ja tum se

    kahin be-wajh izhaar-e-karam aisa bhi hota hai

    teri dildariyon se surat-e-beganagi nikli

    KHushi aisi bhi hoti hai alam aisa bhi hota hai

    waqar-e-sabr khoya girya-ha-e-be-qarari ne

    kahin ai e'tibar-e-chashm-e-nam aisa bhi hota hai

    ba-dawa-e-wafa kyun shikwa-sanj-e-jaur hai 'hasrat'

    dayar-e-shauq mein ai mahw-e-gham aisa bhi hota hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now