uski chah mein ab ke ye bhi kamal hua
us kī chaah meñ ab ke ye bhī kamāl huā
ḳhud se maiñ bāhar aayā to ek misāl huā
dard kī beḌī shaam se hī baj uThtī hai
maiñ to us ke firāq meñ aur niDhāl huā
vo merī tārīf kā ab mohtāj nahīñ
vo chehra to ḳhud hī ek misāl huā
ḳhud hī charāġh ab apnī lau se nālāñ hai
naqsh ye kyā ubhrā ye kaisā zavāl huā
ab to sannāTā bhī boltā lagtā hai
apne aap meñ ye bhī ek kamāl huā
maiñ apnī tanhā.ī se shāyad aajiz thā
is aahaT kā varna kaise ḳhayāl huā
vo bhī mujh ko bhulā ke bahut ḳhush baiThā hai
maiñ bhī us ko chhoḌ ke 'tūr' nihāl huā
us ki chah mein ab ke ye bhi kamal hua
KHud se main bahar aaya to ek misal hua
dard ki beDi sham se hi baj uThti hai
main to us ke firaq mein aur niDhaal hua
wo meri tarif ka ab mohtaj nahin
wo chehra to KHud hi ek misal hua
KHud hi charagh ab apni lau se nalan hai
naqsh ye kya ubhra ye kaisa zawal hua
ab to sannaTa bhi bolta lagta hai
apne aap mein ye bhi ek kamal hua
main apni tanhai se shayad aajiz tha
is aahaT ka warna kaise KHayal hua
wo bhi mujh ko bhula ke bahut KHush baiTha hai
main bhi us ko chhoD ke 'tur' nihaal hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
