waqai koi agar maujud hai
vāqa.ī koī agar maujūd hai
phir to ye dukh umr-bhar maujūd hai
biich kā rasta nahīñ baaqī koī
yā ḳhudā hai yā bashar maujūd hai
us ko paane kī tavaqqo hai bahut
jab talak ye chashm-e-tar maujūd hai
us ke milne hī se pahle jaane kyuuñ
us ko kho dene kā Dar maujūd hai
koī manzil kaise tanhā sar kareñ
ham-safar meñ ham-safar maujūd hai
ādat-e-ḳhāna-ḳharābī hai 'jamāl'
varna achchhā-ḳhāsā ghar maujūd hai
waqai koi agar maujud hai
phir to ye dukh umr-bhar maujud hai
bich ka rasta nahin baqi koi
ya KHuda hai ya bashar maujud hai
us ko pane ki tawaqqo hai bahut
jab talak ye chashm-e-tar maujud hai
us ke milne hi se pahle jaane kyun
us ko kho dene ka Dar maujud hai
koi manzil kaise tanha sar karen
ham-safar mein ham-safar maujud hai
aadat-e-KHana-KHarabi hai 'jamal'
warna achchha-KHasa ghar maujud hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
