aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye moajiza bhi mohabbat kabhi dikhae mujhe

Qateel Shifai

ye moajiza bhi mohabbat kabhi dikhae mujhe

Qateel Shifai

MORE BYQateel Shifai

    ye mo.ajiza bhī mohabbat kabhī dikhā.e mujhe

    ki sañg tujh pe gire aur zaḳhm aa.e mujhe

    maiñ apne paañv tale rauñdtā huuñ saa.e ko

    badan mirā sahī dopahar na bhaa.e mujhe

    ba-rañg-e-ūd milegī use mirī ḳhushbū

    vo jab bhī chāhe baḌe shauq se jalā.e mujhe

    maiñ ghar se terī tamannā pahan ke jab niklūñ

    barahna shahr meñ koī nazar na aa.e mujhe

    vahī to sab se ziyāda hai nukta-chīñ merā

    jo muskurā ke hamesha gale lagā.e mujhe

    maiñ apne dil se nikālūñ ḳhayāl kis kis

    jo nahīñ to koī aur yaad aa.e mujhe

    zamāna dard ke sahrā tak aaj le aayā

    guzār kar tirī zulfoñ ke saa.e saa.e mujhe

    vo merā dost hai saare jahāñ ko hai ma.alūm

    daġhā kare vo kisī se to sharm aa.e mujhe

    vo mehrbāñ hai to iqrār kyuuñ nahīñ kartā

    vo bad-gumāñ hai to sau baar āzmā.e mujhe

    maiñ apnī zaat meñ nīlām ho rahā huuñ 'qatīl'

    ġham-e-hayāt se kah do ḳharīd laa.e mujhe

    ye moajiza bhi mohabbat kabhi dikhae mujhe

    ki sang tujh pe gire aur zaKHm aae mujhe

    main apne panw tale raundta hun sae ko

    badan mera hi sahi dopahar na bhae mujhe

    ba-rang-e-ud milegi use meri KHushbu

    wo jab bhi chahe baDe shauq se jalae mujhe

    main ghar se teri tamanna pahan ke jab niklun

    barahna shahr mein koi nazar na aae mujhe

    wahi to sab se ziyaada hai nukta-chin mera

    jo muskura ke hamesha gale lagae mujhe

    main apne dil se nikalun KHayal kis kis ka

    jo tu nahin to koi aur yaad aae mujhe

    zamana dard ke sahra tak aaj le aaya

    guzar kar teri zulfon ke sae sae mujhe

    wo mera dost hai sare jahan ko hai malum

    dagha kare wo kisi se to sharm aae mujhe

    wo mehrban hai to iqrar kyun nahin karta

    wo bad-guman hai to sau bar aazmae mujhe

    main apni zat mein nilam ho raha hun 'qatil'

    gham-e-hayat se kah do KHarid lae mujhe

    Videos
    This video is playing from YouTube

    Videos
    This video is playing from YouTube

    Jagjit Singh

    Jagjit Singh

    Qateel Shifai

    Qateel Shifai

    Bharathi Vishwanathan

    Bharathi Vishwanathan

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now