aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

agar unhe.n maaluum ho jaa.e

Afzal Ahmad Syed

agar unhe.n maaluum ho jaa.e

Afzal Ahmad Syed

MORE BYAfzal Ahmad Syed

    vo zindagii ko Daraate hai.n

    maut ko rishvat dete hai.n

    aur us kii aa.nkh par paTTii baa.ndh dete hai.n

    vo hame.n tohfe me.n KHanjar bhejte hai.n

    aur ummiid rakhte hai.n

    ham KHud ko halaak kar le.nge

    vo chi.Diyaa-ghar me.n

    sher ke pinjre kii jaalii ko kamzor rakhte hai.n

    aur jab ham vahaa.n sair karne jaate hai.n

    us din vo sher kaa raatib band kar dete hai.n

    jab chaa.nd TuuTaa phuuTaa nahii.n hotaa

    vo hame.n ek jaziire kii sair ko bulaate hai.n

    jahaa.n na maare jaane kii zamaanat kaa kaaGaz

    vo kashtii me.n idhar udhar kar dete hai.n

    agar unhe.n maaluum ho jaa.e

    vo achchhe qaatil nahii.n

    to vo kaa.npne lage.n

    aur un kii naukariyaa.n chhin jaa.e.n

    vo hamaare maare jaane kaa KHvaab dekhte hai.n

    aur taabiir kii kitaabo.n ko jalaa dete hai.n

    vo hamaare naam kii qabr khodte hai.n

    aur us me.n luuT kaa maal chhupaa dete hai.n

    agar unhe.n maaluum bhii ho jaa.e

    ki hame.n kaise maaraa jaa saktaa hai

    phir bhii vo hame.n nahii.n maar sakte

    vo zindagii ko Daraate hai.n

    maut ko rishvat dete hai.n

    aur us kii aa.nkh par paTTii baa.ndh dete hai.n

    vo hame.n tohfe me.n KHanjar bhejte hai.n

    aur ummiid rakhte hai.n

    ham KHud ko halaak kar le.nge

    vo chi.Diyaa-ghar me.n

    sher ke pinjre kii jaalii ko kamzor rakhte hai.n

    aur jab ham vahaa.n sair karne jaate hai.n

    us din vo sher kaa raatib band kar dete hai.n

    jab chaa.nd TuuTaa phuuTaa nahii.n hotaa

    vo hame.n ek jaziire kii sair ko bulaate hai.n

    jahaa.n na maare jaane kii zamaanat kaa kaaGaz

    vo kashtii me.n idhar udhar kar dete hai.n

    agar unhe.n maaluum ho jaa.e

    vo achchhe qaatil nahii.n

    to vo kaa.npne lage.n

    aur un kii naukariyaa.n chhin jaa.e.n

    vo hamaare maare jaane kaa KHvaab dekhte hai.n

    aur taabiir kii kitaabo.n ko jalaa dete hai.n

    vo hamaare naam kii qabr khodte hai.n

    aur us me.n luuT kaa maal chhupaa dete hai.n

    agar unhe.n maaluum bhii ho jaa.e

    ki hame.n kaise maaraa jaa saktaa hai

    phir bhii vo hame.n nahii.n maar sakte

    RECITATIONS

    Nomaan Shauque

    Nomaan Shauque,

    Nomaan Shauque

    Agar unhein maloom ho jaye - Afzal Ahmad Syed Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now