aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

autograph

Majeed Amjad

autograph

Majeed Amjad

MORE BYMajeed Amjad

    khilāḌiyoñ ke ḳhud-navisht dastaḳhat ke vāste

    kitābche liye hue

    khaḌī haiñ muntazir hasīn laḌkiyāñ

    Dhalakte āñchaloñ se be-ḳhabar hasīn laḌkiyāñ

    muhīb phāTakoñ ke Dolte kivāḌ chīḳh uThe

    ubal paḌe ulajhte bāzuoñ chaTaḳhtī pisliyoñ ke pur-hirās qāfile

    gire baḌhe muḌe bhañvar hujūm ke

    khaḌī haiñ ye bhī rāste pe ik taraf

    bayāz-e-ārzū ba-kaf

    nazar nazar meñ nā-rasā parstishoñ dāstāñ

    laraz rahā hai dam-ba-dam

    kamān-e-abruvāñ ḳham

    koī jab ek nāz-e-be-niyāz se

    kitābchoñ pe khiñchtā chalā gayā

    Hurūf-e-kaj-tarāsh lakīr

    to tham ga.iiñ laboñ pe muskurāhaTeñ sharīr

    kisī aziim shaḳhsiyat tamkanat

    hinā.ī uñgliyoñ meñ kāñpte varaq pe jhuk ga.ī

    to zar-nigār pallvoñ se jhāñktī kalā.iyoñ tez nabz ruk ga.ī

    vo bolar ek mah-vashoñ ke jamghaToñ meñ ghir gayā

    vo safha-e-bayāz par ba-sad-ġhurūr kilk-e-gauharīñ phirī

    hasīn khilkhilāhaToñ ke darmiyāñ wicket girī

    maiñ ajnabī maiñ be-nishāñ

    maiñ pā-ba-gil

    na rif.at-e-maqām hai na shohrat-e-davām hai

    ye lauh-e-dil ye lauh-e-dam

    na is pe koī naqsh hai na is pe koī naam hai

    khilaDiyon ke KHud-nawisht dastaKHat ke waste

    kitabche liye hue

    khaDi hain muntazir hasin laDkiyan

    Dhalakte aanchalon se be-KHabar hasin laDkiyan

    muhib phaTakon ke Dolte kiwaD chiKH uThe

    ubal paDe ulajhte bazuon chaTaKHti pisliyon ke pur-hiras qafile

    gire baDhe muDe bhanwar hujum ke

    khaDi hain ye bhi raste pe ek taraf

    bayaz-e-arzu ba-kaf

    nazar nazar mein na-rasa parstishon ki dastan

    laraz raha hai dam-ba-dam

    kaman-e-abruwan ka KHam

    koi jab ek naz-e-be-niyaz se

    kitabchon pe khinchta chala gaya

    Huruf-e-kaj-tarash ki lakir si

    to tham gain labon pe muskurahaTen sharir si

    kisi azim shaKHsiyat ki tamkanat

    hinai ungliyon mein kanpte waraq pe jhuk gai

    to zar-nigar pallwon se jhankti kalaiyon ki tez nabz ruk gai

    wo bolar ek mah-washon ke jamghaTon mein ghir gaya

    wo safha-e-bayaz par ba-sad-ghurur kilk-e-gauharin phiri

    hasin khilkhilahaTon ke darmiyan wicket giri

    main ajnabi main be-nishan

    main pa-ba-gil

    na rifat-e-maqam hai na shohrat-e-dawam hai

    ye lauh-e-dil ye lauh-e-dam

    na is pe koi naqsh hai na is pe koi nam hai

    RECITATIONS

    Nomaan Shauque

    Nomaan Shauque,

    Nomaan Shauque

    Autograph - Majeed Amjad Nomaan Shauque

    Source:

    Kulliyaat-e-majiid Amjad (Pg. 153)

    • Author: Majiid Amjad
      • Edition: 2011
      • Publisher: Farid Book Depot (p) Ltd.
      • Year of Publication: 2011

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now