aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek mohre ka safar

Javed Akhtar

ek mohre ka safar

Javed Akhtar

MORE BYJaved Akhtar

    jab vo kam-umr thā

    us ne ye jaan liyā thā ki agar jiinā hai

    baḌī chālākī se jiinā hogā

    aañkh āḳhirī had tak hai bisāt-e-hastī

    aur vo māmūlī ik mohra hai

    ek ik ḳhāna bahut soch ke chalnā hogā

    baazī āsān nahīñ thī us

    duur tak chāroñ taraf phaile the

    mohre

    jallād

    nihāyat saffāk

    saḳht be-rahm

    bahut chālāk

    apne qabze meñ liye

    puurī bisāt

    us ke hisse meñ faqat maat liye

    vo jidhar jaatā

    use miltā thā

    har nayā ḳhāna na.ī ghaat liye

    vo magar bachtā rahā

    chaltā rahā

    ek ghar

    dūsrā ghar

    tīsrā ghar

    paas aayā kabhī auroñ ke

    kabhī duur huā

    vo magar bachtā rahā

    chaltā rahā

    go ki māmūlī mohara thā magar jiit gayā

    yuuñ vo ik roz baḌā mohara banā

    ab vo mahfūz hai ik ḳhāne meñ

    itnā mahfūz hai ik ḳhāne meñ

    itnā mahfūz ki dushman to alag

    dost bhī paas nahīñ aa sakte

    us ke ik haath meñ hai jiit us

    dūsre haath meñ tanhā.ī hai

    jab wo kam-umr hi tha

    us ne ye jaan liya tha ki agar jina hai

    baDi chaalaki se jina hoga

    aankh ki aaKHiri had tak hai bisat-e-hasti

    aur wo mamuli sa ek mohra hai

    ek ek KHana bahut soch ke chalna hoga

    bazi aasan nahin thi us ki

    dur tak chaaron taraf phaile the

    mohre

    jallad

    nihayat hi saffak

    saKHt be-rahm

    bahut hi chaalak

    apne qabze mein liye

    puri bisat

    us ke hisse mein faqat mat liye

    wo jidhar jata

    use milta tha

    har naya KHana nai ghat liye

    wo magar bachta raha

    chalta raha

    ek ghar

    dusra ghar

    tisra ghar

    pas aaya kabhi auron ke

    kabhi dur hua

    wo magar bachta raha

    chalta raha

    go ki mamuli sa mohara tha magar jit gaya

    yun wo ek roz baDa mohara bana

    ab wo mahfuz hai ek KHane mein

    itna mahfuz hai ek KHane mein

    itna mahfuz ki dushman to alag

    dost bhi pas nahin aa sakte

    us ke ek hath mein hai jit us ki

    dusre hath mein tanhai hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now