aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek nazm

MORE BYAhmad Nadeem Qasmi

    chhuTpuTe ke ġhurfe meñ

    lamhe ab bhī milte haiñ

    sub.h ke dhundalke meñ

    phuul ab bhī khilte haiñ

    ab bhī kohsāroñ par

    sar-kashīda hariyālī

    pattharoñ dīvāreñ

    toḌ kar nikaltī hai

    ab bhī āb-zāroñ par

    kashtiyoñ sūrat meñ

    ziist tavānā.ī

    zāviye badaltī hai

    ab bhī ghaas ke maidāñ

    shabnamī sitāroñ se

    mere ḳhāk-dāñ par bhī

    āsmāñ sajāte haiñ

    ab bhī khet gandum ke

    tez dhuup meñ tap kar

    is ġharīb dhartī ko

    zar-fishāñ banāte haiñ

    saaye ab bhī chalte haiñ

    sūraj ab bhī Dhaltā hai

    sub.heñ ab bhī raushan haiñ

    rāteñ ab bhī kaalī haiñ

    zehn ab bhī chaTyal haiñ

    rūheñ ab bhī banjar haiñ

    jism ab bhī nañge haiñ

    haath ab bhī ḳhālī haiñ

    ab bhī sabz fasloñ meñ

    zindagī ke rakhvāle

    zard zard chehroñ par

    ḳhaak oḌhe rahte haiñ

    ab bhī un taqdīreñ

    munqalib nahīñ hotīñ

    munqalib nahīñ hoñgī

    kahne vaale kahte haiñ

    gardishoñ rānā.ī

    aam nahīñ hotī

    apne roz-e-avval

    shaam nahīñ hotī

    chhuTpuTe ke ghurfe mein

    lamhe ab bhi milte hain

    subh ke dhundalke mein

    phul ab bhi khilte hain

    ab bhi kohsaron par

    sar-kashida hariyali

    pattharon ki diwaren

    toD kar nikalti hai

    ab bhi aab-zaron par

    kashtiyon ki surat mein

    zist ki tawanai

    zawiye badalti hai

    ab bhi ghas ke maidan

    shabnami sitaron se

    mere KHak-dan par bhi

    aasman sajate hain

    ab bhi khet gandum ke

    tez dhup mein tap kar

    is gharib dharti ko

    zar-fishan banate hain

    saye ab bhi chalte hain

    suraj ab bhi Dhalta hai

    subhen ab bhi raushan hain

    raaten ab bhi kali hain

    zehn ab bhi chaTyal hain

    ruhen ab bhi banjar hain

    jism ab bhi nange hain

    hath ab bhi KHali hain

    ab bhi sabz faslon mein

    zindagi ke rakhwale

    zard zard chehron par

    KHak oDhe rahte hain

    ab bhi un ki taqdiren

    munqalib nahin hotin

    munqalib nahin hongi

    kahne wale kahte hain

    gardishon ki ranai

    aam hi nahin hoti

    apne roz-e-awwal ki

    sham hi nahin hoti

    RECITATIONS

    Nomaan Shauque

    Nomaan Shauque,

    Nomaan Shauque

    ek nazm Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now