aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pattharon ka mughanni

Waheed Akhtar

pattharon ka mughanni

Waheed Akhtar

MORE BYWaheed Akhtar

    mutrib-e-ḳhush-navā zindagī ke hasīn giit gaatā rahā

    us āvāz par anjuman jhuum uTThī

    us ne jab zaḳhm-e-dil ko zabāñ baḳhsh

    sunñe vāloñ ne be-sāḳhta aah

    ishq ke saaz par jab huā zaḳhma-zan

    shor-e-tahsīñ meñ ḳhud us āvāz dab ga.ī

    mutrib-e-ḳhush-navā phir bhī tanhā rahā

    tishnagi-e-mashām us ko bād-e-sabā tarah gul-ba-gul le ga.ī

    kāsa-e-chashm ne partav-e-gul bhī paayā nahīñ

    dard us kisī mahram-e-dard ke vāste

    dar-ba-dar shahr-dar-shahr phirtā rahā

    daad o tahsīñ ke hañgāma-e-zauq-kash meñ use

    har taraf se malāmat ke patthar mile

    mutrib-e-ḳhush-navā pattharoñ se paTaktā rahā apnā sar

    pattharoñ ko zabāñ to milī par takallum nahīñ

    pattharoñ ko ḳhad-o-ḳhāl-e-insāñ mile daulat-e-dard-o-ġham kab milī

    pattharoñ ko hasīñ sūrateñ to milīñ dil nahīñ mil sakā

    pattharoñ ko mile paañv par e'timād-e-safar kaun de

    pattharoñ ko mile haath par azm-e-tesha-zanī kaun de

    sañg sunte haiñ lekin samajhte nahīñ

    dekhte haiñ magar farq karte nahīñ

    baat karte haiñ mahsūs karte nahīñ

    TuuT sakte haiñ lekin pighalte nahīñ

    gard ban kar ye uḌ jaa.eñ sāñchoñ meñ Dhalte nahīñ

    mutrib-e-ḳhush-navā pattharoñ se paTaktā rahā apnā sar

    mutrib-e-ḳhush-navā pattharoñ ko sunātā rahā dard-e-dil

    apnā ġham un ġham sab ġham

    pattharoñ ne sunā aur chup-chāp hañste rahe

    pattharoñ isī anjuman muġhannī huuñ maiñ

    aur bedard be-his sitamgār patthar suneñge kabhī

    un vo mutrib-e-ḳhush-navā shikva-sanj-e-zamāñ

    apne naġhmāt aag meñ jal gayā

    phir un ke mānind patthar but ban gayā

    mutrib-e-KHush-nawa zindagi ke hasin git gata raha

    us ki aawaz par anjuman jhum uTThi

    us ne jab zaKHm-e-dil ko zaban baKHsh di

    sunne walon ne be-saKHta aah ki

    ishq ke saz par jab hua zaKHma-zan

    shor-e-tahsin mein KHud us ki aawaz dab si gai

    mutrib-e-KHush-nawa phir bhi tanha raha

    tishnagi-e-masham us ko baad-e-saba ki tarah gul-ba-gul le gai

    kasa-e-chashm ne partaw-e-gul bhi paya nahin

    dard us ka kisi mahram-e-dard ke waste

    dar-ba-dar shahr-dar-shahr phirta raha

    dad o tahsin ke hangama-e-zauq-kash mein use

    har taraf se malamat ke patthar mile

    mutrib-e-KHush-nawa pattharon se paTakta raha apna sar

    pattharon ko zaban to mili par takallum nahin

    pattharon ko KHad-o-KHal-e-insan mile daulat-e-dard-o-gham kab mili

    pattharon ko hasin suraten to milin dil nahin mil saka

    pattharon ko mile panw par e'timad-e-safar kaun de

    pattharon ko mile hath par azm-e-tesha-zani kaun de

    sang sunte hain lekin samajhte nahin

    dekhte hain magar farq karte nahin

    baat karte hain mahsus karte nahin

    TuT sakte hain lekin pighalte nahin

    gard ban kar ye uD jaen sanchon mein Dhalte nahin

    mutrib-e-KHush-nawa pattharon se paTakta raha apna sar

    mutrib-e-KHush-nawa pattharon ko sunata raha dard-e-dil

    apna gham un ka gham sab ka gham

    pattharon ne suna aur chup-chap hanste rahe

    pattharon ki isi anjuman ka mughanni hun main

    aur bedard be-his sitamgar patthar sunenge kabhi

    un ka wo mutrib-e-KHush-nawa shikwa-sanj-e-zaman

    apne naghmat ki aag mein jal gaya

    phir un hi ke manind patthar ka but ban gaya

    RECITATIONS

    Nomaan Shauque

    Nomaan Shauque,

    Nomaan Shauque

    pattharon ka mughanni Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now