aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raushni ke minar

Muneebur Rahman

raushni ke minar

Muneebur Rahman

MORE BYMuneebur Rahman

    do samundar jahāñ aapas meñ milā karte haiñ

    maiñ ne kitne sahar o shaam guzāre haiñ vahāñ

    maiñ ne dekhī hai nikalte hue sūraj kiran

    aur kal hote hue din shafaq dekhī hai

    maiñ ne maujoñ ke talātum meñ guhar DhūñDe haiñ

    aur paa.e haiñ ḳhazaf reze bhī

    jaal paanī se jab ik baar nikālā maiñ ne

    ik ghaḌā ret bharā haath aayā

    sabt thī mohr-e-sulaimāñ jis par

    aur kholā to dhueñ bādal

    peT se us ke numūdār huā

    aadmī ke liye ye behtar hai

    ki muqaffal raheñ kuchh chīzeñ

    ye fazā.eñ ye sitāre ye falak

    vaqt-e-gardāñ musalsal Tik Tik

    jānvar kiiḌe makoḌe hashrāt

    machhliyāñ aur tuyūr

    aur insān jo pahle din se

    āḳhirī roz talak

    maut samt chalā kartā hai

    justujū par mujhe uksāte haiñ

    aah lekin ye talāsh

    kar ga.ī aur bhī hairāñ mujh ko

    kyuuñ vo kashtī huī sūrāḳh-zada

    jis meñ ham raat ko paar utre the

    raah chalte hue muDbheḌ huī thī jis se

    kis ḳhatā par vo javāñ qatl huā

    kitne be-bahra the tahzīb se is shahr ke log

    jin ko aate na the mehmān-navāzī ke tarīq

    phir bhalā kis liye un ḳhātir

    ham ne girtī huī dīvār ko tāmīr kiyā

    raaz par raaz chhupā rakkhe haiñ ik būḌhe ne

    aur ham haiñ ki phirā karte haiñ

    har larazte hue saa.e ta.āqub karte

    sham.a lau jise har aan badal detī hai

    do samundar jahāñ sañgam hai

    maiñ ba-dastūr khaḌā rahtā huuñ

    dekhtā huuñ kabhī uḌte hue zarrāt raqs

    kabhī maujoñ ko sadā detā huuñ

    aur aksar shab-e-tanhā.ī meñ baiThā baiThā

    un jazīroñ ko takā kartā huuñ

    jin ke jalte hue, bujhte hue mīnāra-e-nūr

    merī manzil pata dete haiñ

    do samundar jahan aapas mein mila karte hain

    main ne kitne sahar o sham guzare hain wahan

    main ne dekhi hai nikalte hue suraj ki kiran

    aur kal hote hue din ki shafaq dekhi hai

    main ne maujon ke talatum mein guhar DhunDe hain

    aur pae hain KHazaf reze bhi

    jal pani se jab ek bar nikala main ne

    ek ghaDa ret bhara hath aaya

    sabt thi mohr-e-sulaiman jis par

    aur khola to dhuen ka baadal

    peT se us ke numudar hua

    aadmi ke liye ye behtar hai

    ki muqaffal hi rahen kuchh chizen

    ye fazaen ye sitare ye falak

    waqt-e-gardan ki musalsal Tik Tik

    jaanwar kiDe makoDe hashraat

    machhliyan aur tuyur

    aur insan jo pahle din se

    aaKHiri roz talak

    maut ki samt chala karta hai

    justuju par mujhe uksate hain

    aah lekin ye talash

    kar gai aur bhi hairan mujh ko

    kyun wo kashti hui suraKH-zada

    jis mein hum raat ko par utre the

    rah chalte hue muDbheD hui thi jis se

    kis KHata par wo jawan qatl hua

    kitne be-bahra the tahzib se is shahr ke log

    jin ko aate na the mehman-nawazi ke tariq

    phir bhala kis liye un ki KHatir

    hum ne girti hui diwar ko tamir kiya

    raaz par raaz chhupa rakkhe hain ek buDhe ne

    aur hum hain ki phira karte hain

    har larazte hue sae ka taaqub karte

    shama ki lau jise har aan badal deti hai

    do samundar ka jahan sangam hai

    main ba-dastur khaDa rahta hun

    dekhta hun kabhi uDte hue zarraat ka raqs

    kabhi maujon ko sada deta hun

    aur aksar shab-e-tanhai mein baiTha baiTha

    un jaziron ko taka karta hun

    jin ke jalte hue, bujhte hue minara-e-nur

    meri manzil ka pata dete hain

    RECITATIONS

    Nomaan Shauque

    Nomaan Shauque,

    Nomaan Shauque

    raushni ke minar Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now