aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shikast

Sahir Ludhianvi

shikast

Sahir Ludhianvi

MORE BYSahir Ludhianvi

    apne siine se lagā.e hue ummīd laash

    muddatoñ ziist ko nāshād kiyā hai maiñ ne

    ne to ek sadme se kyā thā do-chār

    dil ko har tarah se barbād kiyā hai maiñ ne

    jab bhī rāhoñ meñ nazar aa.e harīrī malbūs

    sard aahoñ meñ tujhe yaad kiyā hai maiñ ne

    aur ab jab ki mirī ruuh pahnā.ī meñ

    ek sunsān maġhmūm ghaTā chhā.ī hai

    damakte hue aariz shuā.eñ le kar

    gul-shuda sham.eñ jalāne ko chalī aa.ī hai

    merī mahbūb ye hañgāma-e-tajdīd-e-vafā

    merī afsurda javānī ke liye raas nahīñ

    maiñ ne jo phuul chune the tire qadmoñ ke liye

    un dhundlā tasavvur bhī mire paas nahīñ

    ek yaḳh-basta udāsī hai dil o jaañ pe muhīt

    ab mirī ruuh meñ baaqī hai na umiid na josh

    rah gayā dab ke girāñ-bār salāsil ke tale

    merī darmāñda javānī umañgoñ ḳharosh

    regzāroñ meñ bagūloñ ke sivā kuchh bhī nahīñ

    sāya-e-abr-e-gurezāñ se mujhe kyā lenā

    bujh chuke haiñ mire siine meñ mohabbat ke kañval

    ab tire husn-e-pashīmāñ se mujhe kyā lenā

    tere aariz pe ye Dhalke hue sīmīñ aañsū

    merī afsurdagi-e-ġham mudāvā to nahīñ

    terī mahbūb nigāhoñ payām-e-tajdīd

    ik talāfī sahī merī tamannā to nahīñ

    apne sine se lagae hue ummid ki lash

    muddaton zist ko nashad kiya hai main ne

    tu ne to ek hi sadme se kya tha do-chaar

    dil ko har tarah se barbaad kiya hai main ne

    jab bhi rahon mein nazar aae hariri malbus

    sard aahon mein tujhe yaad kiya hai main ne

    aur ab jab ki meri ruh ki pahnai mein

    ek sunsan si maghmum ghaTa chhai hai

    tu damakte hue aariz ki shuaen le kar

    gul-shuda shamen jalane ko chali aai hai

    meri mahbub ye hangama-e-tajdid-e-wafa

    meri afsurda jawani ke liye ras nahin

    main ne jo phul chune the tere qadmon ke liye

    un ka dhundla sa tasawwur bhi mere pas nahin

    ek yaKH-basta udasi hai dil o jaan pe muhit

    ab meri ruh mein baqi hai na umid na josh

    rah gaya dab ke giran-bar salasil ke tale

    meri darmanda jawani ki umangon ka KHarosh

    regzaron mein bagulon ke siwa kuchh bhi nahin

    saya-e-abr-e-gurezan se mujhe kya lena

    bujh chuke hain mere sine mein mohabbat ke kanwal

    ab tere husn-e-pashiman se mujhe kya lena

    tere aariz pe ye Dhalke hue simin aansu

    meri afsurdagi-e-gham ka mudawa to nahin

    teri mahbub nigahon ka payam-e-tajdid

    ek talafi hi sahi meri tamanna to nahin

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now