aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

siddhaarth ki ek raat

Gulzar

siddhaarth ki ek raat

Gulzar

MORE BYGulzar

    koī pattā bhī nahīñ hiltā, na pardoñ meñ hai jumbish

    phir bhī kānoñ meñ bahut tez havāoñ sadā hai

    kitne ūñche haiñ ye mehrāb mahal ke

    aur mehrāboñ se ūñchā vo sitāroñ se bharā thaal falak

    kitnā chhoTā hai mirā qad...

    farsh par jaise kisī harf se ik nuqta girā ho

    saiñkaḌoñ samtoñ meñ bhaTkā huā man Thahre zarā

    dil dhaḌaktā hai to bas dauḌtī Tāpoñ sadā aatī hai

    raushnī band bhī kar dene se kyā hogā añdherā?

    sirf āñkheñ nahīñ dekh sakeñgī ye chaugarda, maiñ agar kānoñ meñ kuchh Thūñs bhī luuñ

    raushnī chintā to zehn se ab bujh nahīñ saktī

    ḳhud-kashī ek añdherā hai, upaa.e to nahīñ

    khiḌkiyāñ saarī khulī haiñ to havā kyuuñ nahīñ ātī?

    nīche sardī hai bahut aur havā tund hai shāyad

    duur darvāze ke bāhar khaḌe vo santarī donoñ

    shaam se aag meñ bas sūkhī huī Tahniyoñ ko jhoñk rahe haiñ

    merī āñkhoñ se vo sūkhā huā Dhāñcha nahīñ girtā

    jism jism to thaa, ruuh kahāñ thī us meñ

    koḌh thā us ko tap-e-diq thaa? na jaane kyā thaa?

    buḌhāpā thā shāyad...

    pisliyāñ sūkhe hue kekaroñ ke shāḳhche jaise

    rath pe jaate hue dekhā thā

    chaTānoñ se udhar...

    apnī lāThī pe gire peḌ mānind khaḌā thā

    phir yakā-yak ye huā

    sārthī, rok nahīñ paayā thaa, muñh-zor samay Tāpeñ

    rath ke pahiye ke tale dekhā taḌap kar ise ThanDā hote!

    ḳhud-kashī thii? vo samarpan thaa? vo durghaTnā thii?

    kyā thaa?

    sabz shādāb daraḳhtoñ ke vajūd

    apne mausam meñ to bin māñge bhī phal dete haiñ

    suukh jaate haiñ to sab kaaT ke

    is aag meñ jhoñk diye jaate haiñ

    jaise darvāze pe āmāl ke vo donoñ farishte

    shaam se aag meñ bas

    sūkhī huī Tahniyoñ ko jhoñk rahe haiñ

    koi patta bhi nahin hilta, na pardon mein hai jumbish

    phir bhi kanon mein bahut tez hawaon ki sada hai

    kitne unche hain ye mehrab mahal ke

    aur mehrabon se uncha wo sitaron se bhara thaal falak ka

    kitna chhoTa hai mera qad

    farsh par jaise kisi harf se ek nuqta gira ho

    sainkaDon samton mein bhaTka hua man Thahre zara

    dil dhaDakta hai to bas dauDti Tapon ki sada aati hai

    raushni band bhi kar dene se kya hoga andhera?

    sirf aankhen hi nahin dekh sakengi ye chaugarda, main agar kanon mein kuchh Thuns bhi lun

    raushni chinta ki to zehn se ab bujh nahin sakti

    KHud-kashi ek andhera hai, upae to nahin

    khiDkiyan sari khuli hain to hawa kyun nahin aati?

    niche sardi hai bahut aur hawa tund hai shayad

    dur darwaze ke bahar khaDe wo santari donon

    sham se aag mein bas sukhi hui Tahniyon ko jhonk rahe hain

    meri aankhon se wo sukha hua Dhancha nahin girta

    jism hi jism to tha, ruh kahan thi us mein

    koDh tha us ko tap-e-diq tha? na jaane kya tha?

    ya buDhapa hi tha shayad

    pisliyan sukhe hue kekaron ke shaKHche jaise

    rath pe jate hue dekha tha

    chaTanon se udhar

    apni laThi pe gire peD ki manind khaDa tha

    phir yaka-yak ye hua

    sarthi, rok nahin paya tha, munh-zor samay ki Tapen

    rath ke pahiye ke tale dekha taDap kar ise ThanDa hote!

    KHud-kashi thi? wo samarpan tha? wo durghaTna thi?

    kya tha?

    sabz shadab daraKHton ke wajud

    apne mausam mein to bin mange bhi phal dete hain

    sukh jate hain to sab kaT ke

    is aag mein hi jhonk diye jate hain

    jaise darwaze pe aamal ke wo donon farishte

    sham se aag mein bas

    sukhi hui Tahniyon ko jhonk rahe hain

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now