aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tajassus

Rifat Sarosh

tajassus

Rifat Sarosh

MORE BYRifat Sarosh

    bahut duur se ek āvāz aa.ī

    maiñ, ik ġhuncha-e-nā-shagufta huuñ koī mujhe gudgudā.e

    maiñ taḳhlīq naġhma-e-jāñ-fazā huuñ، mujhe koī gaa.e

    maiñ insān manzil-e-ārzū huuñ mujhe koī paa.e

    bahut duur se ek āvāz aa.ī

    maiñ hāthoñ meñ le kar tajassus ki mish.al

    bahut duur pahuñchā sitāroñ se aage

    mirī rahguzar kahkashāñ ban ke chamkī

    mare saath aa.ī ufuq ke kināre

    mire naqsh-e-pā ban ga.e chāñd sūraj

    bhaḌakte rahe aarzū ke sharāre

    vo āvāz to aa rahī hai musalsal

    magar arsh rif.atoñ se utar kar

    maiñ farsh-e-yaqīñ par khaḌā sochtā huuñ

    har ik jāda-e-rañg-o-bū se guzar kar

    mirī justujū intihā to nahīñ hai

    abhī aur nikhreñge rañgīñ nazāre

    ye be-nūr zarre baneñge sitāre

    sitāre baneñge abhī māh-pāre

    ye āvāz jaadū jagātī rahegī

    ye manzil yūñhī giit gaatī rahegī

    na.e aadmī ko na.e kārvāñ ko

    payām-e-tajassus sunātī rahegī

    bahut dur se ek aawaz aai

    main, ek ghuncha-e-na-shagufta hun koi mujhe gudgudae

    main taKHliq ka naghma-e-jaan-faza hun، mujhe koi gae

    main insan ki manzil-e-arzu hun mujhe koi pae

    bahut dur se ek aawaz aai

    main hathon mein le kar tajassus ki mishal

    bahut dur pahuncha sitaron se aage

    meri rahguzar kahkashan ban ke chamki

    mare sath aai ufuq ke kinare

    mere naqsh-e-pa ban gae chand suraj

    bhaDakte rahe aarzu ke sharare

    wo aawaz to aa rahi hai musalsal

    magar arsh ki rifaton se utar kar

    main farsh-e-yaqin par khaDa sochta hun

    har ek jada-e-rang-o-bu se guzar kar

    meri justuju intiha to nahin hai

    abhi aur nikhrenge rangin nazare

    ye be-nur zarre banenge sitare

    sitare banenge abhi mah-pare

    ye aawaz jadu jagati rahegi

    ye manzil yunhi git gati rahegi

    nae aadmi ko nae karwan ko

    payam-e-tajassus sunati rahegi

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now