ufuq ke us par

vo ik ghaḌī bhī

kabhī mirī zindagī meñ aa.ī thī ittifāqan

ki maiñ kisī kā nahīñ thā

merā koī nahīñ thā

maiñ lauh-e-mahfūz kī tarah thā

samajh rahā thā

ki saarī fardā-o-dī kī bāteñ

haiñ zehn par naqsh-e-jāvedāñ sī

vo sab havādis

jo aane vaale haiñ

lauh-e-dil par likhe hue haiñ

maiñ ab kisī kā nahīñ huuñ koī mirā nahīñ hai

agar tum us din

zarā sī himmat se kaam letīñ

zarā sā tum mujh pe haq jatātīñ

to zindagī kā vo moḌ hī

kuchh ajiib hotā

ufuq ke us paar

kaun jaane

koī mire intizār meñ

kab tak apnī āñkheñ

lahū bahā kar ḳharāb kartā

wo ek ghaDi bhi

kabhi meri zindagi mein aai thi ittifaqan

ki main kisi ka nahin tha

mera koi nahin tha

main lauh-e-mahfuz ki tarah tha

samajh raha tha

ki sari farda-o-di ki baaten

hain zehn par naqsh-e-jawedan si

wo sab hawadis

jo aane wale hain

lauh-e-dil par likhe hue hain

main ab kisi ka nahin hun koi mera nahin hai

agar tum us din

zara si himmat se kaam letin

zara sa tum mujh pe haq jatatin

to zindagi ka wo moD hi

kuchh ajib hota

ufuq ke us par

kaun jaane

koi mere intizar mein

kab tak apni aankhen

lahu baha kar KHarab karta