aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

balaen aankhon se unki mudam lete hain

Shaikh Ibrahim Zauq

balaen aankhon se unki mudam lete hain

Shaikh Ibrahim Zauq

MORE BYShaikh Ibrahim Zauq

    balā.eñ āñkhoñ se un mudām lete haiñ

    ham apne hāthoñ mizhgāñ se kaam lete haiñ

    ham un zulf se saudā jo vaam lete haiñ

    to asl o suud vo sab daam daam lete haiñ

    shab-e-visāl ke roz-e-firāq meñ kyā kyā

    nasīb mujh se mire intiqām lete haiñ

    qamar dāġh-e-ġhulāmī faqat nahīñ rakhtā

    vo mol aise hazāroñ ġhulām lete haiñ

    ham un ke zor ke qaa.il haiñ haiñ vahī shah-zor

    jo ishq meñ dil-e-muztar ko thaam lete haiñ

    qatīl-e-nāz batāte nahīñ tujhe qātil

    jab un se pūchho ajal naam lete haiñ

    tire asiir jo sayyād karte haiñ fariyād

    to phir vo dam nahīñ zer-e-dām lete haiñ

    jhukā.e hai sar-e-taslīm māh-e-nau par vo

    ġhurūr-e-husn se kis salām lete haiñ

    tire ḳhirām ke pairū haiñ jitne fitne haiñ

    qadam sab aan ke vaqt-e-ḳhirām lete haiñ

    hamāre haath se ai 'zauq' vaqt-e-mai-noshī

    hazār naaz se vo ek jaam lete haiñ

    balaen aankhon se un ki mudam lete hain

    hum apne hathon ka mizhgan se kaam lete hain

    hum un ki zulf se sauda jo wam lete hain

    to asl o sud wo sab dam dam lete hain

    shab-e-visal ke roz-e-firaq mein kya kya

    nasib mujh se mere intiqam lete hain

    qamar hi dagh-e-ghulami faqat nahin rakhta

    wo mol aise hazaron ghulam lete hain

    hum un ke zor ke qail hain hain wahi shah-zor

    jo ishq mein dil-e-muztar ko tham lete hain

    qatil-e-naz batate nahin tujhe qatil

    jab un se puchho ajal hi ka nam lete hain

    tere asir jo sayyaad karte hain fariyaad

    to phir wo dam hi nahin zer-e-dam lete hain

    jhukae hai sar-e-taslim mah-e-nau par wo

    ghurur-e-husn se kis ka salam lete hain

    tere KHiram ke pairu hain jitne fitne hain

    qadam sab aan ke waqt-e-KHiram lete hain

    hamare hath se ai 'zauq' waqt-e-mai-noshi

    hazar naz se wo ek jam lete hain

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now