aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

khula na mujhse tabiat ka tha bahut gahra

Faza Ibn e Faizi

khula na mujhse tabiat ka tha bahut gahra

Faza Ibn e Faizi

MORE BYFaza Ibn e Faizi

    khulā na mujh se tabī.at thā bahut gahrā

    hazār us se rahā rābta bahut gahrā

    bas is qadar ki ye hijrat umr kaT jaa.e

    na mujh ġharīb se rakh silsila bahut gahrā

    sab apne ā.īne us ne mujhī ko sauñp diye

    use shikast ehsās thā bahut gahrā

    mujhe tilism samajhtā thā vo sarāboñ

    baḌhā jo aage samundar milā bahut gahrā

    shadīd pyaas ke aalam meñ Dūbne se bachā

    qadah to kyā mujhe qatra lagā bahut gahrā

    us zad meñ jo aayā to Duub jā.egā

    ba-qadr-e-āb hai har aa.ina bahut gahrā

    mileñge raah meñ tujh ko charāġh jalte hue

    kahīñ kahīñ hai mirā naqsh-e-pā bahut gahrā

    talāsh-e-ma.ani-e-maqsūd itnī sahl na thī

    maiñ lafz lafz utartā gayā bahut gahrā

    jo baat jān-e-suḳhan thī vahī rahī ojhal

    liyā to us ne mirā jā.eza bahut gahrā

    qadīm hote hue mujh se bhī jadīd hai vo

    asar hai us pe mire daur bahut gahrā

    'fazā' hameñ to hai kaafī yahī ḳhumār-e-vajūd

    hai be-sharāb bhī hāsil nasha bahut gahrā

    khula na mujh se tabiat ka tha bahut gahra

    hazar us se raha rabta bahut gahra

    bas is qadar ki ye hijrat ki umr kaT jae

    na mujh gharib se rakh silsila bahut gahra

    sab apne aaine us ne mujhi ko saunp diye

    use shikast ka ehsas tha bahut gahra

    mujhe tilism samajhta tha wo sarabon ka

    baDha jo aage samundar mila bahut gahra

    shadid pyas ke aalam mein Dubne se bacha

    qadah to kya mujhe qatra laga bahut gahra

    tu us ki zad mein jo aaya to Dub jaega

    ba-qadr-e-ab hai har aaina bahut gahra

    milenge rah mein tujh ko charagh jalte hue

    kahin kahin hai mera naqsh-e-pa bahut gahra

    talash-e-mani-e-maqsud itni sahl na thi

    main lafz lafz utarta gaya bahut gahra

    jo baat jaan-e-suKHan thi wahi rahi ojhal

    liya to us ne mera jaeza bahut gahra

    qadim hote hue mujh se bhi jadid hai wo

    asar hai us pe mere daur ka bahut gahra

    'faza' hamein to hai kafi yahi KHumar-e-wajud

    hai be-sharab bhi hasil nasha bahut gahra

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now