main aasman pe bahut der rah nahin sakta
maiñ āsmāñ pe bahut der rah nahīñ saktā
magar ye baat zamīñ se to kah nahīñ saktā
kisī ke chehre ko kab tak nigāh meñ rakkhūñ
safar meñ ek hī manzar to rah nahīñ saktā
ye āzmāne kī fursat tujhe kabhī mil jaa.e
maiñ āñkhoñ āñkhoñ meñ kyā baat kah nahīñ saktā
sahārā lenā hī paḌtā hai mujh ko dariyā kā
maiñ ek qatra huuñ tanhā to bah nahīñ saktā
lagā ke dekh le jo bhī hisāb aatā ho
mujhe ghaTā ke vo gintī meñ rah nahīñ saktā
ye chand lamhoñ kī be-iḳhtiyāriyāñ haiñ 'vasīm'
gunah se rishta bahut der rah nahīñ saktā
main aasman pe bahut der rah nahin sakta
magar ye baat zamin se to kah nahin sakta
kisi ke chehre ko kab tak nigah mein rakkhun
safar mein ek hi manzar to rah nahin sakta
ye aazmane ki fursat tujhe kabhi mil jae
main aankhon aankhon mein kya baat kah nahin sakta
sahaara lena hi paDta hai mujh ko dariya ka
main ek qatra hun tanha to bah nahin sakta
laga ke dekh le jo bhi hisab aata ho
mujhe ghaTa ke wo ginti mein rah nahin sakta
ye chand lamhon ki be-iKHtiyariyan hain 'wasim'
gunah se rishta bahut der rah nahin sakta
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
