mohabbat karne walon ke bahaar-afroz sinon mein
mohabbat karne vāloñ ke bahār-afroz sīnoñ meñ
rahā kartī hai shādābī ḳhizāñ ke bhī mahīnoñ meñ
ziyā-e-mehr āñkhoñ meñ hai tauba mah-jabīnoñ ke
ki fitrat ne bharā hai husn ḳhud apnā hasīnoñ meñ
havā-e-tund hai girdāb hai pur-shor dhārā hai
liye jaate haiñ zauq-e-āfiyat sī shai safīnoñ meñ
maiñ hañstā huuñ magar ai dost aksar hañste hue bhī
chhupā.e hote haiñ daaġh aur nāsūr apne sīnoñ meñ
maiñ un meñ huuñ jo ho kar āstān-e-dost se mahrūm
liye phirte haiñ sajdoñ kī taḌap apnī jabīnoñ meñ
mirī ġhazleñ paḌheñ sab ahl-e-dil aur mast ho jaa.eñ
mai-e-jazbāt laayā huuñ maiñ lafzī ābgīnoñ meñ
mohabbat karne walon ke bahaar-afroz sinon mein
raha karti hai shadabi KHizan ke bhi mahinon mein
ziya-e-mehr aankhon mein hai tauba mah-jabinon ke
ki fitrat ne bhara hai husn KHud apna hasinon mein
hawa-e-tund hai girdab hai pur-shor dhaara hai
liye jate hain zauq-e-afiyat si shai safinon mein
main hansta hun magar ai dost aksar hanste hue bhi
chhupae hote hain dagh aur nasur apne sinon mein
main un mein hun jo ho kar aastan-e-dost se mahrum
liye phirte hain sajdon ki taDap apni jabinon mein
meri ghazlen paDhen sab ahl-e-dil aur mast ho jaen
mai-e-jazbaat laya hun main lafzi aabginon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
