simaTne ki hawas kya thi bikharna kis liye hai
simaTne kī havas kyā thī bikharnā kis liye hai
vo jiinā kis kī ḳhātir thā ye marnā kis liye hai
mohabbat bhī hai aur apnā taqāzā bhī nahīñ kuchh
ham us se saaf kah deñge mukarnā kis liye hai
jhijhaknā hai to us ke sāmne honā hī kaisā
jo Darnā hai to dariyā meñ utarnā kis liye hai
masāfat ḳhvāb hai to ḳhvāb meñ ab jāgnā kyā
agar chal hī paḌe haiñ to Thaharnā kis liye hai
na karne se bhī hotā ho jahāñ sab kā guzāra
vahāñ āḳhir kisī ne kaam karnā kis liye hai
agar ruknā nahīñ us ne hamāre paas to phir
hamāre rāste par se guzarnā kis liye hai
vo kah degā to uTh jā.eñge us kī bazm se ham
munāsib hī nahīñ lagtā pasarnā kis liye hai
'zafar' us par asar to koī hotā hai na hogā
to phir ye roz kā banñā sañvarnā kis liye hai
simaTne ki hawas kya thi bikharna kis liye hai
wo jina kis ki KHatir tha ye marna kis liye hai
mohabbat bhi hai aur apna taqaza bhi nahin kuchh
hum us se saf kah denge mukarna kis liye hai
jhijhakna hai to us ke samne hona hi kaisa
jo Darna hai to dariya mein utarna kis liye hai
masafat KHwab hai to KHwab mein ab jagna kya
agar chal hi paDe hain to Thaharna kis liye hai
na karne se bhi hota ho jahan sab ka guzara
wahan aaKHir kisi ne kaam karna kis liye hai
agar rukna nahin us ne hamare pas to phir
hamare raste par se guzarna kis liye hai
wo kah dega to uTh jaenge us ki bazm se hum
munasib hi nahin lagta pasarna kis liye hai
'zafar' us par asar to koi hota hai na hoga
to phir ye roz ka banna sanwarna kis liye hai
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
