atā usī kī hai ye shahd o shor kī taufīq

vahī galīm meñ ye nān-e-be-javīñ laayā

ata usi ki hai ye shahd o shor ki taufiq

wahi galim mein ye nan-e-be-jawin laya

is dil ko kisī dast-e-adā-sanj meñ rakhnā

mumkin hai ye mīzān-e-kam-o-besh jalā de

is dil ko kisi dast-e-ada-sanj mein rakhna

mumkin hai ye mizan-e-kam-o-besh jala de

kamān-e-ḳhāna-e-aflāk ke muqābil bhī

maiñ us se aur vo phir kaj-kulāh mujh se huā

kaman-e-KHana-e-aflak ke muqabil bhi

main us se aur wo phir kaj-kulah mujh se hua

kamān-e-shāḳh se gul kis hadaf ko jaate haiñ

nasheb-e-ḳhāk meñ jā kar mujhe ḳhayāl aayā

kaman-e-shaKH se gul kis hadaf ko jate hain

nasheb-e-KHak mein ja kar mujhe KHayal aaya

yahī bahut the mujhe naan o aab o sham.a o gul

safar-nazhād thā asbāb muḳhtasar rakkhā

yahi bahut the mujhe nan o aab o shama o gul

safar-nazhad tha asbab muKHtasar rakkha