JIGAR MORADABADI

  • 1890-1961
  • Moradabad

One of the most prominent pre-modern poets who enjoyed stunning popularity and fan-following.

One of the most prominent pre-modern poets who enjoyed stunning popularity and fan-following.

info iconClick on any word for its meaning

apnā zamāna aap banāte haiñ ahl-e-dil


ham vo nahīñ ki jin ko zamāna banā gayā

dil ko sukūn ruuh ko ārām aa gayā


maut aa ga.ī ki dost paiġhām aa gayā

donoñ hāthoñ se lūTtī hai hameñ


kitnī zālim hai tirī añgḌā.ī

ham ko miTā sake ye zamāne meñ dam nahīñ


ham se zamāna ḳhud hai zamāne se ham nahīñ

ham ne siine se lagāyā dil na apnā ban sakā


muskurā kar tum ne dekhā dil tumhārā ho gayā

hamīñ jab na hoñge to kyā rañg-e-mahfil


kise dekh kar aap sharmā.iyegā

ibtidā vo thī ki jiinā thā mohabbat meñ muhāl


intihā ye hai ki ab marnā bhī mushkil ho gayā

ishq jab tak na kar chuke rusvā


aadmī kaam nahīñ hotā

jahl-e-ḳhirad ne din ye dikhā.e


ghaT ga.e insāñ baḌh ga.e saa.e

jo tūfānoñ meñ palte rahe haiñ


vahī duniyā badalte rahe haiñ

le ke ḳhat un kiyā zabt bahut kuchh lekin


thartharāte hue hāthoñ ne bharam khol diyā

mirī zindagī to guzrī tire hijr ke sahāre


mirī maut ko bhī pyāre koī chāhiye bahāna

mohabbat meñ ik aisā vaqt bhī dil par guzartā hai


ki aañsū ḳhushk ho jaate haiñ tuġhyānī nahīñ jaatī

sadāqat ho to dil sīnoñ se khiñchne lagte haiñ vaa.iz


haqīqat ḳhud ko manvā letī hai maanī nahīñ jaatī

terī āñkhoñ kuchh qusūr nahīñ


haañ mujhī ko ḳharāb honā thā

tire jamāl tasvīr khīñch duuñ lekin


zabāñ meñ aañkh nahīñ aañkh meñ zabān nahīñ

un jo farz hai vo ahl-e-siyāsat jāneñ


merā paiġhām mohabbat hai jahāñ tak pahuñche

us ne apnā banā ke chhoḌ diyā


kyā asīrī hai kyā rihā.ī hai

ye ishq nahīñ āsāñ itnā samajh liije


ik aag dariyā hai aur Duub ke jaanā hai

yuuñ zindagī guzār rahā huuñ tire baġhair


jaise koī gunāh kiye rahā huuñ maiñ

comments powered by Disqus