NIDA FAZLI

  • 1938-2016

One of the most prominent modern poets with wide popular appeal. Well-known film lyricist, prose writer. Famous for his ghazal 'Kabhi kisi ko mukammal Jahan nahin milta…'.

One of the most prominent modern poets with wide popular appeal. Well-known film lyricist, prose writer. Famous for his ghazal 'Kabhi kisi ko mukammal Jahan nahin milta…'.

info iconClick on any word for its meaning

ab ḳhushī hai na koī dard rulāne vaalā


ham ne apnā liyā har rañg zamāne vaalā

apnī marzī se kahāñ apne safar ke ham haiñ


ruḳh havāoñ jidhar hai udhar ke ham haiñ

bachchoñ ke chhoTe hāthoñ ko chāñd sitāre chhūne do


chaar kitābeñ paḌh kar ye bhī ham jaise ho jā.eñge

dhuup meñ niklo ghaTāoñ meñ nahā kar dekho


zindagī kyā hai kitāboñ ko haTā kar dekho

duniyā jise kahte haiñ jaadū khilaunā hai


mil jaa.e to miTTī hai kho jaa.e to sonā hai

dushmanī laakh sahī ḳhatm na kiije rishta


dil mile na mile haath milāte rahiye

ek mahfil meñ ka.ī mahfileñ hotī haiñ sharīk


jis ko bhī paas se dekhoge akelā hogā

ghar se masjid hai bahut duur chalo yuuñ kar leñ


kisī rote hue bachche ko hañsāyā jaa.e

har aadmī meñ hote haiñ das biis aadmī


jis ko bhī dekhnā ho ka.ī baar dekhnā

jitnī burī kahī jaatī hai utnī burī nahīñ hai duniyā


bachchoñ ke schōl meñ shāyad tum se milī nahīñ hai duniyā

kabhī kisī ko mukammal jahāñ nahīñ miltā


kahīñ zamīn kahīñ āsmāñ nahīñ miltā

koshish bhī kar umiid bhī rakh rāsta bhī chun


phir is ke ba.ad thoḌā muqaddar talāsh kar

kuchh bhī bachā na kahne ko har baat ho ga.ī


aao kahīñ sharāb piyeñ raat ho ga.ī

kuchh log yūñhī shahr meñ ham se bhī ḳhafā haiñ


har ek se apnī bhī tabī.at nahīñ miltī

kuchh tabī.at milī thī aisī chain se jiine sūrat na huī


jis ko chāhā use apnā na sake jo milā us se mohabbat na huī

naqsha uThā ke koī nayā shahr DhūñDhiye


is shahr meñ to sab se mulāqāt ho ga.ī

sab kuchh to hai kyā DhūñDtī rahtī haiñ nigāheñ


kyā baat hai maiñ vaqt pe ghar kyuuñ nahīñ jaatā

tum se chhuT kar bhī tumheñ bhūlnā āsān na thā


tum ko yaad kiyā tum ko bhulāne ke liye

us ke dushman haiñ bahut aadmī achchhā hogā


vo bhī merī tarah shahr meñ tanhā hogā

yahāñ kisī ko koī rāsta nahīñ detā


mujhe girā ke agar tum sambhal sako to chalo

comments powered by Disqus