TOP 20 AADMI/INSAAN SHAYARI


Click on any word for its meaning


ai āsmān tere ḳhudā nahīñ hai ḳhauf


Darte haiñ ai zamīn tire aadmī se ham

bas-ki dushvār hai har kaam āsāñ honā


aadmī ko bhī mayassar nahīñ insāñ honā

har aadmī meñ hote haiñ das biis aadmī


jis ko bhī dekhnā ho ka.ī baar dekhnā

jānvar aadmī farishta ḳhudā


aadmī haiñ saikaḌoñ qismeñ

aadmī bulbula hai paanī


kyā bharosā hai zindagānī

duniyā pe aisā vaqt paḌegā ki ek din


insān talāsh meñ insān jā.egā

farishte se baḌh kar hai insān banñā


magar is meñ lagtī hai mehnat ziyāda

gharoñ pe naam the nāmoñ ke saath ohde the


bahut talāsh kiyā koī aadmī na milā

hazār chehre haiñ maujūd aadmī ġhā.eb


ye kis ḳharābe meñ duniyā ne ke chhoḌ diyā

jhuuT bolā hai to qaa.em bhī raho us par 'zafar'


aadmī ko sāhab-e-kirdār honā chāhiye

ḳhudā se kyā mohabbat kar sakegā


jise nafrat hai us ke aadmī se

mat sahl hameñ jaano phirtā hai falak barsoñ


tab ḳhaak ke parde se insān nikalte haiñ

'mīr' sāhab tum farishta ho to ho


aadmī honā to mushkil hai miyāñ

mirī zabān ke mausam badalte rahte haiñ


maiñ aadmī huuñ mirā e'tibār mat karnā

raah meñ baiThā huuñ maiñ tum sañg-e-rah samjho mujhe


aadmī ban jā.ūñgā kuchh Thokareñ khāne ke ba.ad

sab se pur-amn vāqi.a ye hai


aadmī aadmī ko bhuul gayā

samjhegā aadmī ko vahāñ kaun aadmī


banda jahāñ ḳhudā ko ḳhudā māntā nahīñ

vaqt rahtā nahīñ kahīñ Tik kar


aadat is bhī aadmī hai

yahāñ libās qīmat hai aadmī nahīñ


mujhe gilās baḌe de sharāb kam kar de

'zafar' aadmī us ko na jāniyegā vo ho kaisā sāhab-e-fahm-o-zakā


jise aish meñ yaad-e-ḳhudā na rahī jise taish meñ ḳhauf-e-ḳhudā na rahā


Human being is in the centre of every creation in the world; may it be poetry, music or for that matter any fine art. Urdu poetry especially ghazal is full of shers which throw light on one or another aspect of human behavior or nature. Man is a very intricate and complex creature from within but here we are giving 20 most quotable and simple ash'aar with 'Insaan/aadmi' in their centre.

comments powered by Disqus