آہ بے اثر نکلی نالہ نارسا نکلا

اک خدا پہ تکیہ تھا وہ بھی آپ کا نکلا

دلوں کا خوں کرو سالم رکھو گریباں کو

جنوں کی رسم زمانہ ہوا اٹھا دی ہے

کیا ہاتھ اٹھائیے دعا کو

ہم ہاتھ اٹھا چکے دعا سے

کئی بار دور کساد میں گرے مہر و ماہ کے دام بھی

مگر ایک قیمت جنس دل جو کھری رہی تو کھری رہی

چل قیسیؔ میلے میں چل کیا رونا تنہائی کا

کوئی نہیں جب تیرا میرا سب میرے سب تیرے

اک نوائے رفتہ کی بازگشت تھی قیسیؔ

دل جسے سمجھتے تھے دشت بے صدا نکلا

یہ راس رنگ یہ میل ملن اک ہاتھ میں چاند اک میں سورج

اک رات کا موج مزہ سارا اک دن کا سیر سپاٹا ہے

جو زخم دوستوں نے دیے ہیں وہ چھپ تو جائیں

پر دشمنوں کی سمت سے پتھر کوئی تو آئے

جتنے تھے رنگ حسن بیاں کے بگڑ گئے

لفظوں کے باغ شہر کی صورت اجڑ گئے

عجیب شہر ہے گھر بھی ہیں راستوں کی طرح

کسے نصیب ہے راتوں کو چھپ کے رونا بھی

نظر اٹھاؤ تو جھوم جائیں نظر جھکاؤ تو ڈگمگائیں

تمہاری نظروں سے سیکھتے ہیں طریق موت و حیات کے ہم

تجھے سینے سے لگا لوں تجھے دل میں رکھ لوں

درد کی چھاؤں میں زخموں کی اماں میں آ جا

آپ کو دیکھ کر دیکھتا رہ گیا

کیا کہوں اور کہنے کو کیا رہ گیا

اب تو فقط بدن کی مروت ہے درمیاں

تھا ربط جان و دل تو شروعات ہی میں تھا