آنکھوں کا تو کام ہی ہے رونا

یہ گریۂ بے سبب ہے پیارے

فریب کرم اک تو ان کا ہے اس پر

ستم میری خوش فہمیاں اور بھی ہیں

اہل ہنر کے دل میں دھڑکتے ہیں سب کے دل

سارے جہاں کا درد ہمارے جگر میں ہے

نقاب ان نے رخ سے اٹھائی تو لیکن

حجابات کچھ درمیاں اور بھی ہیں

غم دوراں میں کہاں بات غم جاناں کی

نظم ہے اپنی جگہ خوب مگر ہائے غزل

ہمارے ان کے تعلق کا اب یہ عالم ہے

کہ دوستی کا ہے کیا ذکر دشمنی بھی نہیں

ہے سخت مشکل میں جان ساقی پلائے آخر کدھر سے پہلے

سبھی کی آنکھیں یہ کہہ رہی ہیں ادھر سے پہلے ادھر سے پہلے