عجیب بات ہے کیچڑ میں لہلہائے کنول

پھٹے پرانے سے جسموں پہ سج کے ریشم آئے

بجھ گیا دل تو خرابی ہوئی ہے

پھر کسی شعلہ جبیں سے ملئے

بالآخر تھک ہار کے یارو ہم نے بھی تسلیم کیا

اپنی ذات سے عشق ہے سچا باقی سب افسانے ہیں

لکھنے کو لکھ رہے ہیں غضب کی کہانیاں

لکھی نہ جا سکی مگر اپنی ہی داستاں

چاند کا حسن بھی زمین سے ہے

چاند پر چاندنی نہیں ہوتی

ڈوب جانے کی لذتیں مت پوچھ

کون ایسے میں پار اترا ہے

دیکھ کر میرا دشت تنہائی

رنگ روئے بہار اترا ہے

حسن بنا جب بہتی گنگا

عشق ہوا کاغذ کی ناؤ

دل سا کھلونا ہاتھ آیا ہے

کھیلو توڑو جی بہلاؤ

دن کے بھولے کو رات ڈستی ہے

شام کو واپسی نہیں ہوتی

زمین کی کوکھ ہی زخمی نہیں اندھیروں سے

ہے آسماں کے بھی سینے پہ آفتاب کا زخم