yaaden

Akhtar-ul-Iman

yaaden

Akhtar-ul-Iman

MORE BY Akhtar-ul-Iman

    lo vo chāh-e-shab se niklā pichhle-pahar piilā mahtāb

    zehn ne kholī rukte rukte maazī pārīna kitāb

    yādoñ ke be-ma.anī daftar ḳhvāboñ ke afsurda shahāb

    sab ke sab ḳhāmosh zabāñ se kahte haiñ ai ḳhāna-ḳharāb

    guzrī baat sadī pal ho guzrī baat hai naqsh-bar-āb

    ye rūdād hai apne safar is ābād ḳharābe meñ

    dekho ham ne kaise basar is ābād ḳharābe meñ

    shahr-e-tamannā ke markaz meñ lagā huā hai melā

    khel-khilaunoñ har-sū hai ik rañgīñ gulzār khilā

    vo ik bālak jis ko ghar se ik dirham bhī nahīñ milā

    mele saj-dhaj meñ kho kar baap uñglī chhoḌ gayā

    hosh aayā to ḳhud ko tanhā ke bahut hairān huā

    bhiiḌ meñ raah milī nahīñ ghar is ābād ḳharābe meñ

    dekho ham ne kaise basar is ābād ḳharābe meñ

    vo bālak hai aaj bhī hairāñ mela jūñ-kā-tūñ hai lagā

    hairāñ hai bāzār meñ chup-chup kyā kyā biktā hai saudā

    kahīñ sharāfat kahīñ najābat kahīñ mohabbat kahīñ vafā

    āl-aulād kahīñ biktī hai kahīñ buzurg aur kahīñ ḳhudā

    ham ne is ahmaq ko āḳhir isī tazabzub meñ chhoḌā

    aur nikālī raah mafar is ābād ḳharābe meñ

    dekho ham ne kaise basar is ābād ḳharābe meñ

    hoñT tabassum ke aadī haiñ varna ruuh meñ zahr-āgīñ

    ghupe hue haiñ itne nashtar jin koī ta.adād nahīñ

    kitnī baar huī hai ham par tañg ye phailī huī zamīñ

    jis par naaz hai ham ko itnā jhukī hai aksar vahī jabīñ

    kabhī koī sifla hai aaqā kabhī koī abla farzīñ

    bechī laaj bhī apne hunar is ābād ḳharābe meñ

    dekho ham ne kaise basar ābād ḳharābe meñ

    kaale kos ġham-e-ulfat ke aur maiñ nān-e-shabīna-jū

    kabhī chaman-zāroñ meñ uljhā aur kabhī gandum

    nāfa-e-mushk-e-tatārī ban kar liye phirī mujh ko har-sū

    yahī hayāt-e-sā.iqa-fitrat banī ta.attul kabhī numū

    kabhī kiyā ram ishq se aise jaise koī vahshī aahū

    aur kabhī mar-mar ke sahar is ābād ḳharābe meñ

    dekho ham kaise basar is ābād ḳharābe meñ

    kabhī ġhanīm-e-jaur-o-sitam ke hāthoñ khaa.ī aisī maat

    arz-e-alam meñ ḳhvār hue ham bigḌe rahe barsoñ hālāt

    aur kabhī jab din niklā to biit ga.e jug huī na raat

    har-sū mah-vash saada qātil lutf-o-ināyat sauġhāt

    shabnam aisī ThanDī nigāheñ phūloñ mahkār baat

    jūñ-tūñ ye manzil bhī sar is ābād ḳharābe meñ

    dekho ham ne kaise basar is ābād ḳharābe meñ

    rāh-navard-e-shauq ko rah meñ kaise kaise yaar mile

    abr-e-bahārāñ aks-e-nigārāñ ḳhāl-e-ruḳh-e-dil-dār mile

    kuchh bilkul miTTī ke mādho kuchh ḳhanjar dhaar mile

    kuchh mañjdhār meñ kuchh sāhil par kuchh dariyā ke paar mile

    ham sab se har haal meñ lekin yūñhī haath pasār mile

    sirf un ḳhūbī pe nazar is ābād ḳharābe meñ

    dekho ham ne kaise basar is ābād ḳharābe meñ

    saarī hai be-rabt kahānī dhuñdle dhuñdle haiñ aurāq

    kahāñ haiñ vo sab jin se jab thī pal-bhar duurī bhī shaaq

    kahīñ koī nāsūr nahīñ go haa.el hai barsoñ firāq

    kirm-e-farāmoshī ne dekho chaaT liye kitne mīsāq

    vo bhī ham ko ro baiThe haiñ chalo huā qarzā be-bāq

    khulī to āḳhir baat asar is ābād ḳharābe meñ

    dekho ham ne kaise basar is ābād ḳharābe meñ

    ḳhvāb the ik din auj-e-zamīñ se kāhkashāñ ko chhū leñge

    kheleñge gul-rañg shafaq se qaus-e-quzah meñ jhūleñge

    bād-e-bahārī ban ke chaleñge sarsoñ ban kar phūleñge

    ḳhushiyoñ ke rañgīñ jhurmuT meñ rañj-o-mehan sab bhūleñge

    dāġh-e-gul-o-ġhuncha ke badle mahkī huī ḳhushbū leñge

    milī ḳhalish par zaḳhm-e-jigar is ābād ḳharābe meñ

    dekho ham ne kaise basar is ābād ḳharābe meñ

    ḳhvār hue damḌī ke pīchhe aur kabhī jholī-bhar maal

    aise chhoḌ ke uTThe jaise chhuā to kar degā kañgāl

    syāne ban kar baat bigāḌī Thiik paḌī saada chaal

    chhānā dasht-e-mohabbat kitnā ābla-pā majnūñ misāl

    kabhī sikandar kabhī qalandar kabhī bagūla kabhī ḳhayāl

    svāñg rachā.e aur guzar is ābād ḳharābe meñ

    dekho ham ne kaise basar is ābād ḳharābe meñ

    ziist ḳhudā jaane hai kyā shai bhuuk tajassus ashk farār

    phuul se bachche zohra-jabīneñ mard mujassam bāġh-o-bahār

    kiyā hai rūh-e-arz ko āḳhir aur ye zahrīle afkār

    kis miTTī se ugte haiñ sab jiinā kyuuñ hai ik begār

    in bātoñ se qat-e-nazar is ābād ḳharābe meñ

    dekho ham ne kaise basar ābād ḳharābe meñ

    duur kahīñ vo koyal kuukī raat ke sannāTe meñ duur

    kachchī zamīñ par bikhrā hogā mahkā mahkā aam bor

    bār-e-mashaqqat kam karne ko khaliyānoñ meñ kaam se chuur

    kam-sin laḌke gaate hoñge lo dekho vo sub.h nuur

    chāh-e-shab se phuuT ke niklā maiñ maġhmūm kabhī masrūr

    soch rahā huuñ idhar udhar is ābād ḳharābe meñ

    dekho ham ne kaise basar is ābād ḳharābe meñ

    niiñd se ab bhī duur haiñ āñkheñ go ki rahīñ shab-bhar be-ḳhvāb

    yādoñ ke be-ma.anī daftar ḳhvāboñ ke afsurda shahāb

    sab ke sab ḳhāmosh zabāñ se kahte haiñ ai ḳhāna-ḳharāb

    guzrī baat sadī pal ho guzrī baat hai naqsh-bar-āb

    mustaqbil soch, uThā ye maazī pārīna kitāb

    manzil hai ye hosh-o-ḳhabar is ābād ḳharābe meñ

    dekho ham ne kaise basar is ābād ḳharābe meñ

    lo wo chah-e-shab se nikla pichhle-pahar pila mahtab

    zehn ne kholi rukte rukte mazi ki parina kitab

    yaadon ke be-mani daftar KHwabon ke afsurda shahab

    sab ke sab KHamosh zaban se kahte hain ai KHana-KHarab

    guzri baat sadi ya pal ho guzri baat hai naqsh-bar-ab

    ye rudad hai apne safar ki is aabaad KHarabe mein

    dekho hum ne kaise basar ki is aabaad KHarabe mein

    shahr-e-tamanna ke markaz mein laga hua hai mela sa

    khel-khilaunon ka har-su hai ek rangin gulzar khila

    wo ek baalak jis ko ghar se ek dirham bhi nahin mila

    mele ki saj-dhaj mein kho kar bap ki ungli chhoD gaya

    hosh aaya to KHud ko tanha pa ke bahut hairan hua

    bhiD mein rah mili nahin ghar ki is aabaad KHarabe mein

    dekho hum ne kaise basar ki is aabaad KHarabe mein

    wo baalak hai aaj bhi hairan mela jun-ka-tun hai laga

    hairan hai bazar mein chup-chup kya kya bikta hai sauda

    kahin sharafat kahin najabat kahin mohabbat kahin wafa

    aal-aulad kahin bikti hai kahin buzurg aur kahin KHuda

    hum ne is ahmaq ko aaKHir isi tazabzub mein chhoDa

    aur nikali rah mafar ki is aabaad KHarabe mein

    dekho hum ne kaise basar ki is aabaad KHarabe mein

    honT tabassum ke aadi hain warna ruh mein zahr-agin

    ghupe hue hain itne nashtar jin ki koi tadad nahin

    kitni bar hui hai hum par tang ye phaili hui zamin

    jis par naz hai hum ko itna jhuki hai aksar wahi jabin

    kabhi koi sifla hai aaqa kabhi koi abla farzin

    bechi laj bhi apne hunar ki is aabaad KHarabe mein

    dekho hum ne kaise basar ki aabaad KHarabe mein

    kale kos gham-e-ulfat ke aur main nan-e-shabina-ju

    kabhi chaman-zaron mein uljha aur kabhi gandum ki bu

    nafa-e-mushk-e-tatari ban kar liye phiri mujh ko har-su

    yahi hayat-e-saiqa-fitrat bani tattul kabhi numu

    kabhi kiya ram ishq se aise jaise koi wahshi aahu

    aur kabhi mar-mar ke sahar ki is aabaad KHarabe mein

    dekho hum kaise basar ki is aabaad KHarabe mein

    kabhi ghanim-e-jaur-o-sitam ke hathon khai aisi mat

    arz-e-alam mein KHwar hue hum bigDe rahe barson haalat

    aur kabhi jab din nikla to bit gae jug hui na raat

    har-su mah-wash sada qatil lutf-o-inayat ki saughat

    shabnam aisi ThanDi nigahen phulon ki mahkar si baat

    jun-tun ye manzil bhi sar ki is aabaad KHarabe mein

    dekho hum ne kaise basar ki is aabaad KHarabe mein

    rah-naward-e-shauq ko rah mein kaise kaise yar mile

    abr-e-bahaaran aks-e-nigaran KHal-e-ruKH-e-dil-dar mile

    kuchh bilkul miTTi ke madho kuchh KHanjar ki dhaar mile

    kuchh manjdhaar mein kuchh sahil par kuchh dariya ke par mile

    hum sab se har haal mein lekin yunhi hath pasar mile

    sirf un ki KHubi pe nazar ki is aabaad KHarabe mein

    dekho hum ne kaise basar ki is aabaad KHarabe mein

    sari hai be-rabt kahani dhundle dhundle hain auraq

    kahan hain wo sab jin se jab thi pal-bhar ki duri bhi shaq

    kahin koi nasur nahin go hael hai barson ka firaq

    kirm-e-faramoshi ne dekho chaT liye kitne misaq

    wo bhi hum ko ro baiThe hain chalo hua qarza be-baq

    khuli to aaKHir baat asar ki is aabaad KHarabe mein

    dekho hum ne kaise basar ki is aabaad KHarabe mein

    KHwab the ek din auj-e-zamin se kahkashan ko chhu lenge

    khelenge gul-rang shafaq se qaus-e-quzah mein jhulenge

    baad-e-bahaari ban ke chalenge sarson ban kar phulenge

    KHushiyon ke rangin jhurmuT mein ranj-o-mehan sab bhulenge

    dagh-e-gul-o-ghuncha ke badle mahki hui KHushbu lenge

    mili KHalish par zaKHm-e-jigar ki is aabaad KHarabe mein

    dekho hum ne kaise basar ki is aabaad KHarabe mein

    KHwar hue damDi ke pichhe aur kabhi jholi-bhar mal

    aise chhoD ke uTThe jaise chhua to kar dega kangal

    syane ban kar baat bigaDi Thik paDi sada si chaal

    chhana dasht-e-mohabbat kitna aabla-pa majnun ki misal

    kabhi sikandar kabhi qalandar kabhi bagula kabhi KHayal

    swang rachae aur guzar ki is aabaad KHarabe mein

    dekho hum ne kaise basar ki is aabaad KHarabe mein

    zist KHuda jaane hai kya shai bhuk tajassus ashk farar

    phul se bachche zohra-jabinen mard mujassam bagh-o-bahaar

    kiya hai ruh-e-arz ko aaKHir aur ye zahrile afkar

    kis miTTi se ugte hain sab jina kyun hai ek begar

    in baaton se qat-e-nazar ki is aabaad KHarabe mein

    dekho hum ne kaise basar ki aabaad KHarabe mein

    dur kahin wo koyal kuki raat ke sannaTe mein dur

    kachchi zamin par bikhra hoga mahka mahka aam ka bor

    bar-e-mashaqqat kam karne ko khaliyanon mein kaam se chur

    kam-sin laDke gate honge lo dekho wo subh ka nur

    chah-e-shab se phuT ke nikla main maghmum kabhi masrur

    soch raha hun idhar udhar ki is aabaad KHarabe mein

    dekho hum ne kaise basar ki is aabaad KHarabe mein

    nind se ab bhi dur hain aankhen go ki rahin shab-bhar be-KHwab

    yaadon ke be-mani daftar KHwabon ke afsurda shahab

    sab ke sab KHamosh zaban se kahte hain ai KHana-KHarab

    guzri baat sadi ya pal ho guzri baat hai naqsh-bar-ab

    mustaqbil ki soch, uTha ye mazi ki parina kitab

    manzil hai ye hosh-o-KHabar ki is aabaad KHarabe mein

    dekho hum ne kaise basar ki is aabaad KHarabe mein

    Videos
    This video is playing from YouTube

    Videos
    This video is playing from YouTube

    Syed Shahid mahdi

    Syed Shahid mahdi

    Akhtar-ul-Iman

    Akhtar-ul-Iman

    0
    COMMENT
    COMMENTS
    VIEW COMMENTS

    Critique mode ON

    Tap on any word to submit a critique about that line. Word-meanings will not be available while you’re in this mode.

    OKAY

    SUBMIT CRITIQUE

    NAME

    E-MAIL

    COMMENT

    Thanks, for your feedback

    Critique draft saved

    EDIT DISCARD

    CRITIQUE MODE ON

    TURN OFF

    Discard saved critique?

    CANCEL DISCARD

    CRITIQUE MODE ON - Click on a line of text to critique

    TURN OFF

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites