پوچھتا پھرتا ہوں میں اپنا پتہ جنگل سے

آخری بار درختوں نے مجھے دیکھا تھا

بڑے سکون سے افسردگی میں رہتا ہوں

میں اپنے سامنے والی گلی میں رہتا ہوں

یہ محبت کوئی انجان سی شے ہوتی تھی

کیا یہ کم ہے کہ اسے تیری بدولت سمجھے

فلک سے کیسے مرا غم دکھائی دے گا تجھے

کبھی زمین پہ آ اور زمیں سے دیکھ مجھے

ابھی سے اس میں شباہت مری جھلکنے لگی

ابھی تو دشت میں دو چار دن گزارے ہیں

سب مجھے ڈھونڈنے نکلے ہیں بجھا کر آنکھیں

بات نکلی ہے کہ میں خواب میں پایا گیا ہوں

میاں یہ عشق تو سب ٹوٹ کر ہی کرتے ہیں

کسی سے ہجر اگر والہانہ ہو جائے

نکال لائے ہیں سب لوگ اس کے عکس میں نقص

یہ آئینہ ابھی تیار ہونے والا ہے

ہزار طعنے سنے گا خجل نہیں ہوگا

یہ وہ ہجوم ہے جو مشتعل نہیں ہوگا

زخم اور پیڑ نے اک ساتھ دعا مانگی ہے

دیکھیے پہلے یہاں کون ہرا ہوتا ہے