لفظ چھن جائیں مگر تحریر ہو روشن جہاں

ہونٹ ہوں خاموش لیکن گفتگو باقی رہے

دل تباہ کی ایذا پرستیاں معلوم

جو دسترس میں نہ ہو اس کی جستجو کرنا

بہت لمبی مسافت ہے بدن کی

مسافر مبتدی تھکنے لگا ہے

آئے گی ہر طرف سے ہوا دستکیں لیے

اونچا مکاں بنا کے بہت کھڑکیاں نہ رکھ

رکھ دی ہے اس نے کھول کے خود جسم کی کتاب

سادہ ورق پہ لے کوئی منظر اتار دے

ایک انگڑائی سے سارے شہر کو نیند آ گئی

یہ تماشا میں نے دیکھا بام پر ہوتا ہوا

اسی کے ذکر سے ہم شہر میں ہوئے بد نام

وہ ایک شخص کہ جس سے ہماری بول نہ چال

کہیں ہیں ریختہ پنجاب میں نظرؔ صاحب

بقدر ذوق تم ان کی سنو ہوا سو ہوا

میں بھی تلاش آب ہوس میں نکلا ہوں

شور سنا تھا اک چشمے کے ابلنے کا

جی چاہتا ہے ہاتھ لگا کر بھی دیکھ لیں

اس کا بدن قبا ہے کہ اس کی قبا بدن

ہو رہا ہے پس دیوار بھی کچھ

جانے کیا کرتا ہے کرنے والا