ہم نے کتنے دھوکے میں سب جیون کی بربادی کی

گال پہ اک تل دیکھ کے ان کے سارے جسم سے شادی کی

ایک لمحہ بھی مسرت کا بہت ہوتا ہے

لوگ جینے کا سلیقہ ہی کہاں رکھتے ہیں

ان کا دروازہ تھا مجھ سے بھی سوا مشتاق دید

میں نے باہر کھولنا چاہا تو وہ اندر کھلا

درد میں لذت بہت اشکوں میں رعنائی بہت

اے غم ہستی ہمیں دنیا پسند آئی بہت

زاہد خودی فروش تو واعظ خدا فروش

دونوں بزرگ میری نظر سے گزر گئے

جتنا بڑھتا گیا شعور ہنر

خود کو اتنا ہی بے ہنر جانا

اب اک رومال میرے ساتھ کا ہے

جو میری والدہ کے ہاتھ کا ہے

بہن کی التجا ماں کی محبت ساتھ چلتی ہے

وفائے دوستاں بہر مشقت ساتھ چلتی ہے

ہنس مگر ہنسنے سے پہلے سوچ لے

یہ نہ ہو پھر عمر بھر رونا پڑے