SHER

Thousands of quotable sher based on theme


  • aashiqii se milegaa ai zaahid
    bandagii se KHudaa nahii.n miltaa

    DAGH DEHLVI

  • ra.nj se KHuugar hu.aa insaa.n to miT jaataa hai ra.nj
    mushkile.n mujh par pa.Dii.n itnii ki aasaa.n ho ga.ii.n

    MIRZA GHALIB

  • balaa hai qahr hai aafat hai fitna hai qayaamat hai
    hasiino.n kii javaanii ko javaanii kaun kahtaa hai

    ARSH MALSIYANI

  • maanaa ki is zamii.n ko na gulzaar kar sake
    kuchh KHaar kam to kar ga.e guzre jidhar se ham

    SAHIR LUDHIANVI

  • KHauf-e-dozaKH se kabhii KHvaahish-e-jannat se kabhii
    mujh ko is tarz-e-ibaadat pe ha.nsii aatii hai

    UNKNOWN

  • jin ke aa.ngan me.n amiirii kaa shajar lagtaa hai
    un kaa har aib zamaane ko hunar lagtaa hai

    ANJUM RAHBAR

  • ham ko un se vafaa kii hai ummiid
    jo nahii.n jaante vafaa kyaa hai

    MIRZA GHALIB

  • tujh ko masjid hai mujh ko mai-KHaana
    vaa.izaa apnii apnii qismat hai

    MIR TAQI MIR

  • ham KHudaa ke kabhii qaa.il hii na the
    un ko dekhaa to KHudaa yaad aayaa

    UNKNOWN

  • dil naa-umiid to nahii.n naakaam hii to hai
    lambii hai Gam kii shaam magar shaam hii to hai

    FAIZ AHMAD FAIZ

  • mai.n pareshaa.n thaa pareshaa.n huu.n na.ii baat nahii.n
    aaj to vo bhii pareshaa.n hai.n KHudaa KHair kare

    UNKNOWN

  • log TuuT jaate hai.n ek ghar banaane me.n
    tum taras nahii.n khaate bastiyaa.n jalaane me.n

    BASHIR BADR

  • aur kyaa dekhne ko baaqii hai
    aap se dil lagaa ke dekh liyaa

    FAIZ AHMAD FAIZ

  • saahil ke tamaashaa.ii har Duubne vaale par
    afsos to karte hai.n imdaad nahii.n karte

    FANA NIZAMI KANPURI

  • mai-KHaane me.n mazaar hamaaraa agar banaa
    duniyaa yahii kahegii ki jannat me.n ghar banaa

    RIYAZ KHAIRABADI

SHAYARI IMAGES

Hundreds of Beautiful Images of Shayari to Enjoy and Share

SEE ALL

Tag