aah dekhi thi main jis ghar mein pari ki surat
aah dekhi thi main jis ghar mein pari ki surat
Mushafi Ghulam Hamdani
MORE BYMushafi Ghulam Hamdani
aah dekhī thī maiñ jis ghar meñ parī kī sūrat
ab nazar aa.e hai vaañ nauhagarī kī sūrat
na vo andāz na āvāz na ishva na adā
yak-ba-yak miT ga.ī yuuñ jalvagarī kī sūrat
ab ḳhayāl us kā vahāñ āñkhoñ meñ phirtā hai mirī
koī phirtā thā jahāñ kabk-e-darī kī sūrat
us ke jaane se mirā dil hai mire siine meñ
dam kā mehmān charāġh-e-saharī kī sūrat
ne ḳhabar us ko mirī pahuñche hai ne us kī mujhe
bañdh ga.ī hai ajab ik be-ḳhabarī kī sūrat
naam luuñ kis kā ki ik gul ke liye jaate haiñ
ashk āñkhoñ se aqīq-e-jigarī kī sūrat
'mus.hafī' hai yahī ab soch ki dekheñ to falak
phir bhī dikhlā.egā yār-e-safarī kī sūrat
aah dekhi thi main jis ghar mein pari ki surat
ab nazar aae hai wan nauhagari ki surat
na wo andaz na aawaz na ishwa na ada
yak-ba-yak miT gai yun jalwagari ki surat
ab KHayal us ka wahan aankhon mein phirta hai meri
koi phirta tha jahan kabk-e-dari ki surat
us ke jaane se mera dil hai mere sine mein
dam ka mehman charagh-e-sahari ki surat
ne KHabar us ko meri pahunche hai ne us ki mujhe
bandh gai hai ajab ek be-KHabari ki surat
nam lun kis ka ki ek gul ke liye jate hain
ashk aankhon se aqiq-e-jigari ki surat
'mushafi' hai yahi ab soch ki dekhen to falak
phir bhi dikhlaega yar-e-safari ki surat
Source:
kulliyat-e-mas.hafii(Vol-4)(pdf) (Pg. 99)
- Author: Ghulam hamdani Mashafi
-
- Edition: 2005
- Publisher: Qaumi council baraye -farogh urdu
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
