aansu tumhaari aankh mein aae to uTh gae

aañsū tumhārī aañkh meñ aa.e to uTh ga.e

ham jab karam kī taab na laa.e to uTh ga.e

baiThe the aa ke paas ki apnoñ meñ thā shumār

dekhā ki ham hī nikle parā.e to uTh ga.e

ham harf-e-zer-e-lab the hameñ kaun roktā

lafzoñ ke tum ne jaal bichhā.e to uTh ga.e

baiThe chhupā chhupā ke jo dāman meñ āftāb

ham ne bhī kuchh charāġh jalā.e to uTh ga.e

kyā thā hamāre paas ba-juz ik sukūt-e-ġham

charke bahut jo tum ne lagā.e to uTh ga.e

aansu tumhaari aankh mein aae to uTh gae

hum jab karam ki tab na lae to uTh gae

baiThe the aa ke pas ki apnon mein tha shumar

dekha ki hum hi nikle parae to uTh gae

hum harf-e-zer-e-lab the hamein kaun rokta

lafzon ke tum ne jal bichhae to uTh gae

baiThe chhupa chhupa ke jo daman mein aaftab

hum ne bhi kuchh charagh jalae to uTh gae

kya tha hamare pas ba-juz ek sukut-e-gham

charke bahut jo tum ne lagae to uTh gae