aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aawara hun rain-basera koi nahin mera

Anwar Shuoor

aawara hun rain-basera koi nahin mera

Anwar Shuoor

MORE BYAnwar Shuoor

    āvāra huuñ rain-baserā koī nahīñ merā

    galī galī kartā huuñ pherā koī nahīñ merā

    terī aas pe jiitā thā maiñ vo bhī ḳhatm huī

    ab duniyā meñ kaun hai merā koī nahīñ merā

    tere bajā.e kaun thā merā pahle bhī phir bhī

    jab se saath chhuTā hai terā koī nahīñ merā

    jab bhī chāñd se chehre dekhe bhiig ga.iiñ palkeñ

    phail gayā har samt añdherā koī nahīñ merā

    ajab nahīñ koī lahr uThe jo paar lagā de naav

    dard dhun meñ gaa.e machherā koī nahīñ merā

    koī musāfir ruk jaa.e pal do pal ke liye

    muddat se vīrān hai Derā koī nahīñ merā

    maiñ ne qadr-e-tīrgī-e-shab ab pahchānī jab

    guzar ga.ī shab huā saverā koī nahīñ merā

    koī nahīñ hai jis ke hāthoñ zahr piyūñ mar jā.ūñ

    biin bajā.e jaa.e saperā koī nahīñ merā

    aawara hun rain-basera koi nahin mera

    gali gali karta hun phera koi nahin mera

    teri aas pe jita tha main wo bhi KHatm hui

    ab duniya mein kaun hai mera koi nahin mera

    tere bajae kaun tha mera pahle bhi phir bhi

    jab se sath chhuTa hai tera koi nahin mera

    jab bhi chand se chehre dekhe bhig gain palken

    phail gaya har samt andhera koi nahin mera

    ajab nahin koi lahr uThe jo par laga de naw

    dard ki dhun mein gae machhera koi nahin mera

    koi musafir hi ruk jae pal do pal ke liye

    muddat se viran hai Dera koi nahin mera

    main ne qadr-e-tirgi-e-shab ab pahchani jab

    guzar gai shab hua sawera koi nahin mera

    koi nahin hai jis ke hathon zahr piyun mar jaun

    bin bajae jae sapera koi nahin mera

    Source:

    Andokhta (Pg. 97)

    • Author: Anwar Shuoor
      • Edition: 2007
      • Publisher: Arts Council of Pakistan, Karachi
      • Year of Publication: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now